ສາຂາ ຊອກຄົ້ນ ແລະ ສໍາຫຼວດແຮ່ ວິທະຍາໄລ ເຕັກນິກສັບພະວິຊາ
ຊອກຄົ້ນ ແລະ ສໍາຫຼວດແຮ່
ວິທະຍາໄລ ເຕັກນິກສັບພະວິຊາ
ຫຼັກສູດ: ຊັ້ນກາງ 2 ປີ | ຊັ້ນສູງ 1
ປີ 6 ເດືອນ
ນິຍາມ
ແລະ ຄວາມສຳຄັນ
ການຊອກຄົ້ນ ແລະ ສໍາຫຼວດ ແຮ່ທາດ ໝາຍເຖິງ ການຊອກຫາປະລິມານ ແລະ
ຄຸນນະພາບຂອງແຮ່ທາດຕ່າງໆທີ່ຢູ່ໃຕ້ດິນ ເພື່ອສະໜອງໃຫ້ແກ່ການວາງແຜນການຂຸດຄົ້ນເອົາຂຶ້ນມາຮັບໃຊ້ສັງຄົມ.
ປະຈຸບັນ ຈໍານວນຊັບພະຍາກອນແຮ່ທາດທີ່ມີຢູ່ ໄດ້ຄ່ອຍໆມີການຫຼຸດລົງ
ເຮັດໃຫ້ເກີດມີການຊອກຄົ້ນສໍາຫຼວດ ຫາແຫຼ່ງຊັບພະຍາກອນແຮ່ທາດໃໝ່ ຢູ່ສະເໝີ
ໂດຍຜ່ານການນໍາໃຊ້ເຕັກໂນໂລຊີ ທີ່ທັນສະໄໝ ເຂົ້າຊ່ວຍໃນການສໍາຫຼວດ
ເພື່ອນໍາເອົາແຮ່ທາດມາໝູນໃຊ້ ໃນການພັດທະນາເສດຖະກິດ-ສັງຄົມ.
ວິຊານີ້ຮຽນກ່ຽວກັບຫຍັງ
ສາຂານີ້ຮຽນ ກ່ຽວກັບ ວິທີການຊອກຄົ້ນ ແລະ ສໍາຫຼວດຫາແຫຼ່ງແຮ່ທາດ
ໂດຍລົງເລິກສຶກສາທາງທໍລະນີສາດ ທີ່ກ່ຽວພັນກັບໂລກ ແລະ ຕົ້ນກໍາເນີດຂອງ ຫີນ-ແຮ່ຕ່າງໆ
ລວມທັງຂະບວນການ ການປ່ຽນແປງທີ່ເກີດຂຶ້ນໃນທໍາມະຊາດ ນັບຕັ້ງແຕ່ການກໍາເນີດໂລກ
ຈົນເຖິງປະຈຸບັນ ເພື່ອໃຫ້ຮູ້ ແລະ ເຂົ້າໃຈເຖິງ ລັກສະນະ, ຊະນິດ ແລະ ປະເພດຂອງ ແຮ່ທາດ ແລະ
ພື້ນທີ່ສະເພາະທີ່ມີແຮ່ທາດ ວ່າມັນຄົງຕົວຢູ່ໃສ,
ຢູ່ໃນຮູບແບບໃດ
ແລະ ມີປະລິມານເທົ່າໃດ.
ວິທີການສິດສອນ
ມີການຮຽນທິດສະດີ ໂດຍຜ່ານການບັນຍາຍ ຈາກຄູອາຈານ ແລະ ນັກສໍາມະນາກອນ ພ້ອມທັງ
ມີການສົນທະນາ ແລະ ແລກປ່ຽນຄວາມຄິດເຫັນ ຕາມຫົວຂໍ້ຕ່າງໆທີ່ໄດ້ສິດສອນ. ນອກນັ້ນ, ຍັງມີພາກປະຕິບັດຕົວຈິງ ເຊັ່ນ: ການນໍາໃຊ້ GPS ຊອກຫາຈຸດພິກັດ,
ເຂັມທິດ, ເຄື່ອງຈັກເຈາະ,
ຂັ້ນຕອນ
ແລະ ວີທີການຕ່າງໆ ໃນການຊອກຄົ້ນ ແລະ ສໍາຫຼວດແຮ່ທາດ ທັງໃນ ແລະ ນອກໂຮງຮຽນ
ໂດຍຜ່ານການລົງພາກສະໜາມ, ການທັດສະນະສຶກສາ ຫຼື
ການຝຶກງານ ໃນບໍລິສັດຕ່າງໆ ທີ່ກ່ຽວຂ້ອງ.
ທັກສະ/ຄວາມສົນໃຈ
ຄວາມຮູ້ພື້ນຖານ ດ້ານ ພູມສາດ, ເຄມີສາດ, ພາສາຕ່າງປະເທດ ແລະ ຄອມພິວເຕີ; ເປັນຄົນ ມັກຊອກຄົ້ນຄວ້າ, ມັກຄວາມທ້າທາຍພະຈົນໄພ, ມັກການສັງເກດ ແລະ ການວິເຄາະ-ວິໄຈ. ນອກນັ້ນ, ສິ່ງທີ່ສໍາຄັນ ແມ່ນນັກສຶກສາ ຕ້ອງມີຄວາມສົນໃຈພິເສດ ໃນການສຶກສາ ແລະ ຮຽນຮູ້
ກ່ຽວກັບ ດິນ, ຫີນ ແລະ ແຮ່ທາດຕ່າງໆ.
ຈົບແລ້ວສາມາດ
ທັກສະການສຳຫຼວດ (ການເກັບຕົວຢ່າງເພື່ອສຶກສາ, ການບັນທຶກ ແລະ ວິເຄາະຂໍ້ມູນ);
ຮູ້ວິທີການຄົ້ນຫາແຮ່ທາດ, ການນໍາໃຊ້ເຄື່ອງມື ອຸປະກອນ ແລະ ທາດເຄມີຕ່າງໆ ເຂົ້າໃນການຊອກຄົ້ນ, ສໍາຫຼວດ ແລະ ວິເຄາະຫາແຮ່ທາດ; ແລະ ຮູ້ວິທີການຈໍາແນກປະເພດ ແລະ ອົງປະກອບ ດິນ, ຫີນ ແລະ ແຮ່ປະເພດຕ່າງໆ.
ອາຊີບ
ດໍາເນີນກິດຈະການ ທາງດ້ານບໍ່ແຮ່ ເປັນຂອງຕົນເອງ, ເປັນນັກຊອກຄົ້ນ ແລະ ສໍາຫຼວດແຮ່ທາດ ແລະ ເປັນພະນັກງານ ຫຼື ວິຊາການ ທັງໃນພາກລັດ
ແລະ ເອກະຊົນ ເຊັ່ນ: ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ, ກະຊວງ ພະລັງງານ ແລະ ບໍ່ແຮ່, ແລະ ບໍລິສັດຕ່າງໆ ທີ່ດໍາເນີນກິດຈະການທາງດ້ານບໍ່ແຮ່.
ທີ່ຕັ້ງ ແລະ ຕິດຕໍ່
ວິທະຍາໄລເຕັກນິກສັບພະວິຊາ
ບ້ານ ໂສກປ່າຫຼວງ, ເມືອງ ສີສັດຕະນາກ, ນະຄອນຫຼວງວຽງຈັນ
ໂທ: 021 312420 ຫຼື 021 313303
ບໍລິການແລ່ນເອກະສານຕ່າງໆ ໃນ ສປປ.ລາວ 
