ສາຂາ ພາກວິຊາການຄ້າສາກົນ ວິທະຍາໄລເຕັກນິກປາກປ່າສັກ
ພາກວິຊາການຄ້າສາກົນ
ຫຼັກສູດ: ຊັ້ນສູງ 3 ປີ
ວິທະຍາໄລເຕັກນິກປາກປ່າສັກ
ນິຍາມ
ແລະ ຄວາມສຳຄັນ
ການຄ້າສາກົນ ໝາຍເຖິງກິດຈະກໍາການແລກປ່ຽນຊື້ຂາຍສິນຄ້າ ແລະ
ບໍລິການລະຫວ່າງປະເທດ ໂດຍອີງໃສ່ຫຼັກການຄ້າ ແລະ ການຕະຫຼາດແບບສາກົນ. ການຄ້າສາກົນ
ກໍ່ໃຫ້ເກີດການຂະຫຍາຍຕົວທາງເສດຖະກິດ
ເນື່ອງຈາກມັນສ້າງລາຍໄດ້ຈາກການສົ່ງອອກສິນຄ້າ ແລະ
ທັງເປັນການສ້າງວຽກເຮັດງານທໍາໃຫ້ແກ່ປະຊາຊົນພາຍໃນປະເທດ. ດັ່ງນັ້ນ,ສາຂານີ້ຈຶ່ງມີຄວາມສຳຄັນຫຼາຍ
ໃນການເສີມສ້າງບຸກຄະລາກອນໃຫ້ມີຄວາມຮູ້ຄວາມສາມາດເພື່ອຕອບສະໜອງກັບນະໂຍບາຍການຄ້າສາກົນ.
ວິຊານີ້ຮຽນກ່ຽວກັບຫຍັງ
ສາຂານີ້ ຮຽນກ່ຽວກັບອົງປະກອບຕ່າງໆຂອງການຄ້າສາກົນ ເຊັ່ນ:
ຄວາມຮູ້ເບື້ອງຕົ້ນໃນການສື່ສານ ແລະ ການພົວພັນທຸລະກິດ, ກົດໝາຍການຄ້າທັງພາຍໃນ ແລະ ສາກົນ; ລະບົບຂົນສົ່ງ ແລະ
ການຈໍລະຈອນແຈກຢາຍສິນຄ້າໃຫ້ມີປະສິດທິຜົນ; ຄວາມຮູ້ພື້ນຖານທາງການຕະຫຼາດ, ການເງິນ,
ບັນຊີ
ແລະ ເສດຖະສາດ; ການຊໍາລະສະສາງຈາກຕ່າງປະເທດ.
ນອກນັ້ນ, ນັກສຶກສາຍັງຈະໄດ້ຮຽນ
ຄວາມຮູ້ພື້ນຖານໃນການບໍລິຫານອົງກອນ ແລະ ບຸກຄະລາກອນໃຫ້ມີປະສິດທິພາບ.
ວິທີການສິດສອນ
ວິທີການສິດສອນຂອງສາຂານີ້ ປະກອບມີ 2 ພາກ
ໂດຍເນັ້ນໃສ່ການຮຽນຮູ້ໃນພາກທິດສະດີ
ພ້ອມທັງມີການເຮັດບົດລາຍງານທີ່ກ່ຽວຂ້ອງກັບລາຍວິຊາ.ໃນພາກປະຕິບັດຕົວຈິງ
ຈະມີການຈັດກິດຈະກຳການຂາຍສິນຄ້າຕົວຈິງພາຍໃນໂຮງຮຽນ; ມີການຝຶກງານ 2 ປະເພດ ເຊັ່ນ:
ຝຶກງານພາຍໃນ ແມ່ນຝຶກໃນຫ້ອງການໂຮງຮຽນ
ເພື່ອຮຽນຮູ້ຂັ້ນຕອນຕ່າງໆຂອງວຽກງານຫ້ອງການ ແລະ ການຝຶກງານພາຍນອກ
ຈະໄດ້ລົງຝຶກງານນຳອົງການ, ກະຊວງທີ່ກ່ຽວຂ້ອງ
ແລະ ສະຖານທີ່ປະກອບການຕ່າງໆ.
ທັກສະ/ຄວາມສົນໃຈ
ຄວາມຮູ້ພື້ນຖານ ວິຊາຄະນິດສາດ ແລະ ພາສາອັງກິດ; ເປັນຄົນ ທີ່ຊ່າງສັງເກດ, ມັກຮຽນຮູ້ສິ່ງໃໝ່ໆທີ່ເກີດຂຶ້ນຮອບຕົວ, ມີຄວາມຄິດສ້າງສັນ ແລະ
ມັກວິເຄາະສະຖານະການເສດຖະກິດສັງຄົມໃນປັດຈຸບັນ;
ມີຄວາມສົນໃຈທາງດ້ານການຄ້າຂາຍ, ການເຮັດທຸລະກິດ,
ການຮຽນພາສາຕ່າງປະເທດ, ການເມືອງ ແລະ
ການຕິດຕໍ່ພົວພັນກັບຫຼາກຫຼາຍວັດທະນະທຳ.
ຈົບແລ້ວສາມາດ
ທັກສະພື້ນຖານໃນການວິເຄາະ ແລະ
ວາງແຜນປະຕິບັດງານໃນການດຳເນີນທຸລະກິດ; ຮູ້ວິທີການໃນການປະກອບເອກະສານການດຳເນີນ ແລະ
ຊຳລະສະສາງຈາກຕ່າງປະເທດ; ມີຄວາມຮູ້ທາງດ້ານການຕະຫຼາດຂັ້ນພື້ນຖານໂດຍສະເພາະແມ່ນທາງດ້ານການຂາຍສິນຄ້າ.
ນອກນີ້, ນັກສຶກສາຍັງຈະສາມາດຮຽນຮູ້
ວິທີການໃນການເຈລະຈາ ແລະ ດໍາເນີນທຸລະກິດກັບຕ່າງປະເທດ.
ອາຊີບ
ເປັນນັກວິຊາການທີ່ຮັບຜິດຊອບກ່ຽວກັບການຄ້າສາກົນ ເຊັ່ນ: ການນໍາເຂົ້າ-ສົ່ງອອກ
ແລະ ການຊໍາລະສະສາງລະຫວ່າງປະເທດ ໃນ ກະຊວງອຸດສາຫະກຳ ແລະ ການຄ້າ ແລະ
ຫ້ອງການຕ່າງໆທີ່ກ່ຽວຂ້ອງ; ເປັນນັກຄົ້ນຄວ້າ ແລະ
ເປັນວິຊາການໃນບໍລິສັດນຳເຂົ້າ ແລະ ສົ່ງອອກ;
ແລະ
ວິຊາການ ກ່ຽວກັບໂຄງການລົງທຶນທັງພາຍໃນ ແລະ ຕ່າງປະເທດ ໃນກະຊວງແຜນການ ແລະ
ການລົງທຶນ.
ທີ່ຕັ້ງ ແລະ ຕິດຕໍ່
ວິທະຍາໄລເຕັກນິກປາກປ່າສັກ
ບ້ານ ສີຖານເໜືອ, ເມືອງ ສີໂຄດຕະບອງ, ນະຄອນຫຼວງວຽງຈັນ
ໂທ: 021 263172
ເວັບໄຊ໌ http://www.pakpasak.edu.la/
ບໍລິການແລ່ນເອກະສານຕ່າງໆ ໃນ ສປປ.ລາວ 
