ສາຂາ ເຕັກນິກຄອມພິວເຕີ ວິທະຍາໄລ ເຕັກນິກວິຊາຊີບມິດຕະພາບ ວຽງຈັນ-ຮ່າໂນ້ຍ
ເຕັກນິກ ຄອມພິວເຕີ
ຫຼັກສູດ: ຊັ້ນກາງ 2 ປີ (12+2) ແລະ (9+3)
ວິທະຍາໄລ ເຕັກນິກວິຊາຊີບມິດຕະພາບ ວຽງຈັນ-ຮ່າໂນ້ຍ
ນິຍາມ ແລະ ຄວາມສຳຄັນ
ເຕັກນິກຄອມພິວເຕີ ໝາຍເຖິງ ຄວາມຮູ້ ແລະ ວິທີການ ຕ່າງໆ
ທີ່ກ່ຽວຂ້ອງກັບ ການສ້ອມແປງ ແລະ ນໍາໃຊ້ ຄອມພິວເຕີຂັ້ນພື້ນຖານ. ເຄື່ອງ
ຄອມພິວເຕີ ໄດ້ຖືກນໍາໃຊ້ຢ່າງກວ້າງຂວາງ
ທັງໃນວຽກງານຫ້ອງການ ແລະ ການນໍາໃຊ້ເພື່ອຈຸດປະສົງສ່ວນຕົວ ອື່ນໆ
ຈຶ່ງເຮັດໃຫ້ມັນມີບົດບາດໃນຊີວິດປະຈໍາວັນນັບມື້ນັບຫຼາຍຂຶ້ນ. ສະນັ້ນ
ຄວາມຮູ້ດ້ານເຕັກນິກຄອມພິວເຕີ ຈຶ່ງເປັນສິ່ງທີ່ຈໍາເປັນ
ໂດຍສະເພາະກໍ່ແມ່ນການນໍາໃຊ້ຄອມພິວເຕີຢ່າງຖືກວິທີ ແລະ
ການແກ້ໄຂບັນຫາຄອມພິວເຕີໃນຂັ້ນເບື້ອງຕົ້ນ.
ວິຊານີ້ຮຽນກ່ຽວກັບຫຍັງ
ສາຂານີ້ສຶກສາ ຄວາມຮູ້ພື້ນຖານກ່ຽວກັບຄອມພິວເຕີ
ເປັນຕົ້ນແມ່ນ ໂຄງສ້າງ ແລະ ອຸປະກອນຕ່າງໆຂອງຄອມພິວເຕີ (Hardware);
ການຕິດຕັ້ງຄອມພິວເຕີ ແລະ ຊອຟແວຣ໌; ການເຊື່ອມຕໍ່ອຸປະກອນ, ເຄືອຂ່າຍຄອມພິວເຕີ ແລະ ອິນເຕີເນັດ; ລະບົບປະຕິບັດການເຊັ່ນ ລະບົບ OS
(Operating System); ການບໍາລຸງຮັກສາຄອມພິວເຕີ; ຮຽນອາການ ແລະ ສາເຫດຂອງບາງບັນຫາຂອງຄອມພິວເຕີ; ການແກ້ໄຂບັນຫາຄອມພິວເຕີ ແລະ
ການສ້ອມແປງຄອມພິວເຕີພື້ນຖານ.
ວິທີການສິດສອນ
ວິທີການສິດສອນ ປະກອບ ມີ ພາກທິດສະດີ 50% ແລະ ພາກປະຕິບັດຕົວຈິງ 50%. ໂດຍນໍາໃຊ້ທິດສະດີທີ່ໄດ້ຮຽນມາ
ມາປະຕິບັດຕົວຈິງໃນຫ້ອງທົດລອງເຊັ່ນ: ນັກສຶກສາຈະໄດ້ແປງຈໍພາບຂອງຄອມພິວເຕີ
(Monitor),
ປະກອບຄອມພິວເຕີ ແລະ Case, ຕິດຕັ້ງ ຊອຟແວຣ໌ ຂັ້ນພື້ນຖານ, ສັງເກດອາການເວລາ Hard Disk ຫຼື ROM ຕາຍ; ການຕິດຕັ້ງ ເຄືອຂ່າຍ (Network) ແລະ ອື່ນໆ
ທັກສະ/ຄວາມສົນໃຈ
ຄວາມຮູ້ພື້ນຖານດ້ານ ຄະນິດສາດ, ພາສາອັງກິດ ແລະ ຄອມພິວເຕີພື້ນຖານ; ເປັນຄົນ ຊ່າງສັງເກດ,ໃສ່ໃຈໃນລາຍລະອຽດ ແລະ ມັກສ້ອມແປງເຄື່ອງມື, ອຸປະກອນ ຫຼື ເຄື່ອງ ອີເລັກໂຕນິກ; ມີທັກສະ ໃນການແກ້ໄຂບັນຫາ; ແລະ ມີຄວາມສົນໃຈ ໃນການເຮັດວຽກຂອງຄອມພິວເຕີ, ເຕັກໂນໂລຊີ, ຂໍ້ມູນຂ່າວສານ ແລະ ເຄື່ອງອີເລັກໂຕນິກຕ່າງໆ.
ຈົບແລ້ວສາມາດ
ມີຄວາມຮູ້ ແລະ ທັກສະ ໃນການປະກອບຕິດຕັ້ງ, ບໍາລຸງຮັກສາ, ສ້ອມແປງ ທັງ ເຄື່ອງຄອມພິວເຕີ, ອຸປະກອນຄອມພິວເຕີ ແລະ ຊອຟແວຣ໌ ຂອງເຄື່ອງຄອມພິວເຕີ; ສາມາດອອກແບບຕິດຕັ້ງ ແລະ ບໍລິຫານຕາໜ່າງຄອມພິວເຕີ ຂະໜາດນ້ອຍ
ແລະ ຂະ
ໜາດກາງ; ແລະ ສາມາດຕິດຕັ້ງ ແລະ
ບັນຊາລະບົບເຄື່ອງຈັກທີ່ຄວບຄຸມດ້ວຍຄອມພິວເຕີ.
ອາຊີບ
ນັກສຶກສາ ສາມາດປະກອບອາຊີບເປັນ
ພະນັກງານທາງດ້ານເຕັກນິກຄອມພິວເຕີ ຕາມຫ້ອງການຕ່າງໆ ເປັນຕົ້ນແມ່ນ
ບໍລິສັດໂທລະຄົມມະນາຄົມ ແລະ ຫ້ອງການອື່ນໆທີ່ກ່ຽວຂ້ອງກັບຄອມພິວເຕີ ແລະ
ເຄືອຂ່າຍ. ນອກຈາກນີ້ ຍັງສາມາດປະກອບອາຊີບເປັນອາຈານສອນໃນສາຂາທີ່ກ່ຽວຂ້ອງ ແລະ
ເປີດທຸລະກິດເປັນຂອງຕົນເອງ.
ທີ່ຕັ້ງ ແລະ ຕິດຕໍ່
ວິທະຍາໄລ ເຕັກນິກວິຊາຊີບມິດຕະພາບ ວຽງຈັນ-ຮ່າໂນ້ຍ
ຖະໜົນໜອງບອນ, ບ້ານ ນາໄຊ, ເມືອງ ໄຊເສດຖາ, ນະຄອນຫຼວງວຽງຈັນ.
ໂທ: 021 412461 ແຟັກ: 021 453126.
ອີເມລ:
vihas@hotmail.com
ບໍລິການແລ່ນເອກະສານຕ່າງໆ ໃນ ສປປ.ລາວ 
