ສາຂາ ວິສະວະກຳ ຄອມພິວເຕີ ຄະນະວິສະວະກຳສາດ ມະຫາວິທະຍາໄລແຫ່ງຊາດ
ວິສະວະກຳ ຄອມພິວເຕີ
ຫຼັກສູດ: ປະລິນຍາຕີ 4 ປີ
ຄະນະວິສະວະກຳສາດ
ມະຫາວິທະຍາໄລແຫ່ງຊາດ
ນິຍາມ ແລະ ຄວາມສຳຄັນ
ວິສະວະກຳຄອມພິວເຕີແມ່ນຂະແໜງການທາງດ້ານເຕັກໂນໂລຊີທີ່ແນໃສ່ການອອກແບບ
ແລະ ພັດທະນາອຸປະກອນ(ຮາດແວຣ໌) ແລະ ລະບົບ(ຊອຟແວຣ໌) ເພື່ອເຮັດໃຫ້ວຽກງານວ່ອງໄວແລະສະດວກສະບາຍໂດຍມີການນໍາໃຊ້ທິດສະດີພື້ນຖານຂອງວິທະຍາສາດຄອມພິວເຕີ
ແລະ ອີເລັກໂຕນິກ
ກໍຄືການສ້າງໂປຣແກຣມຄອມພິວເຕີເພື່ອຄວມຄຸມອຸປະກອນຕ່າງໆໃຫ້ເຮັດວຽກຕາມຄວາມຕ້ອງການເຊັ່ນ:
ໂປຣແກຣມຄວບຄຸມການເຮັດວຽກຂອງຫູ່ນຍົນ, ລິບ, ຕູ້ ATM ແລະ ອື່ນໆ.
ວິຊານີ້ຮຽນກ່ຽວກັບຫຍັງ
ສາຂາວິຊານີ້ແມ່ນຈະເນັ້ນໜັກໃສ່ການຮຽນກ່ຽວກັບການອອກແບບແລະວິເຄາະຮາດແວຣ໌ຫຼາຍກ່ວາຊອບແວຣ໌
ເຊັ່ນ: ການແຕ້ມແບບວິສະວະກຳທາງດ້ານຮາດແວຣ໌ ແລະ ລະບົບຄວບຄຸມ; ການຂຽນໂປຣແກຣມຄອມພິວເຕີ; ການອອກແບບເຄືອຂ່າຍຄອມພິວເຕີແລະການສື່ສານ; ສຶກສາ ແລະ ນຳໃຊ້ລະບົບປະຕິບັດການຄອມພິວເຕີ; ອອກແບບກຣາບຟິກ; ສ້າງຫຸ່ນຍົນ; ການຕິດຕັ້ງ ແລະ ອອກແບບແຜງວົງຈອນ, ລະບົບດີຈີຕອລ; ການອອກແບບຖານຂໍ້ມູນ ແລະ ອື່ນໆ.
ວິທີການສິດສອນ
ນັກສຶກສາຈະໄດ້ຮຽນທິດສະດີພື້ນຖານກ່ຽວກັບວິສະວະກຳຄອມພິວເຕີ, ພື້ນຖານອີເລັກໂຕນິກ, ພື້ນຖານລະບົບສື່ສານ ແລະ
ທຸກໆວິຊາຄຽງຄູ່ກັບການປະຕິບັດຕົວຈິງໃນຫ້ອງທົດລອງເປັນປະຈຳ
ເນື່ອງຈາກວ່າທຸກໆວິຊາຂອງສາຂາວິສະວະກຳຄອມພິວເຕີແມ່ນຈຳເປັນຕ້ອງມີການທົດລອງ, ການຝຶກຊ້ອມ ແລະ ການແກ້ໄຂບັນຫາຕົວຈິງ.ນອກຈາກນີ້, ນັກສຶກສາຈະໄດ້ເຮັດບົດລາຍງານກ່ຽວກັບການອອກແບບ ແລະ
ວິເຄາະໂຄງການຄອມພິວເຕີທີ່ນຳໃຊ້ໄດ້ຈິງທັງໃນຮູບແບບກຸ່ມ ແລະ ດ່ຽວ.
ທັກສະ/ຄວາມສົນໃຈ
ມີຄວາມຮູ້ພື້ນຖານທາງດ້ານວິຊາຄະນິດສາດ ແລະ ຟີຊິກທົ່ວໄປ.
ນອກນີ້ຄວນມີຄວາມສົນໃຈ ແລະ ມັກຊອກຮູ້ກ່ຽວກັບການທຳງານຂອງລະບົບ ແລະ ອຸປະກອນຄອມພິວເຕີ.
ທີ່ສໍາຄັນຄວນເປັນຄົນທີ່ມັກຕິດຕາມ, ຄົ້ນຄ້ວາກ່ຽວກັບຂໍ້ມູນຂ່າວສານຕ່າງໆທາງດ້ານເຕັກໂນໂລຊີ
ແລະ ເປັນຄົນທີ່ມີຄວາມອົດທົນ ແລະ ມັກແກ້ໄຂບັນຫາ.
ຈົບແລ້ວສາມາດ
ມີຄວາມສາມາດໃນການອອກແບບ, ວິເຄາະ ແລະ ພັດທະນາໂປຣແກຣມ;ມີທັກສະໃນການສ້າງຖານຂໍ້ມູນ; ຕິດຕັ້ງ ແລະ ສ້ອມແປງຄອມພິວເຕີ; ອອກແບບກຣາບຟິກ;ອອກແບບວົງຈອນດີຈີຕອລໃຫ້ເຄື່ອງຈັກ ແລະ
ອຸປະກອນອີເລັກໂຕນິກທຸກປະເພດ,ຄຸ້ມຄອງໂຄງການກ່ຽວກັບວິສະວະກຳຄອມພິວເຕີ
ແລະ ບັນຊາລະບົບເຄືອຂ່າຍຄອມພິວເຕີ.
ອາຊີບ
ນັກສຶກສາທີ່ຈົບຈາກສາຂານີ້
ຈະສາມາດປະກອບອາຊີບໃນທຸກໆອົງການທັງພາກລັດ ແລະ
ເອກະຊົນໂດຍເຮັດໜ້າທີ່ເປັນຜູ້ບໍລິຫານລະບົບຄອມພິວເຕີ, ຜະລິດ ຫຼື ສ້າງຄອມພິວເຕີກຣາບຟິກ ແລະ ລະບົບການສື່ສານ, ເປັນນັກພັດທະນາກ່ຽວກັບອຸປະກອນຄອມພິວເຕີ, ນັກອອກແບບວິເຄາະຖານຂໍ້ມູນ ຫຼື ສາມາດປະກອບທຸລະກິດສ່ວນຕົວ
ທີ່ກ່ຽວກັບຄອມພິວເຕີ.
ທີ່ຕັ້ງ ແລະ ຕິດຕໍ່
ຄະນະ ວິສະວະກໍາສາດ
ວິທະຍາເຂດໂສກປ່າຫຼວງ ມະຫາວິທະຍາໄລແຫ່ງຊາດ
ບ້ານ ໂສກປ່າຫຼວງ, ເມືອງ ສີສັດຕະນາກ, ນະຄອນຫຼວງວຽງຈັນ
ຕູ້ ປ.ນ 3166 ໂທ: 021
951294 ແຟັກ:
021 314382.
ເວັບໄຊ໌
www.fe-nuol.edu.la
ບໍລິການແລ່ນເອກະສານຕ່າງໆ ໃນ ສປປ.ລາວ 
