ສາຂາ ສ້າງຄູ ເຄມີສາດ ຄະນະສຶກສາສາດ ມະຫາວິທະຍາໄລແຫ່ງຊາດລາວ
ສ້າງຄູ ເຄມີສາດ
ຫຼັກສູດ ປະລິນຍາຕີ 4 ປີ
ຄະນະສຶກສາສາດ
ມະຫາວິທະຍາໄລແຫ່ງຊາດລາວ
ນິຍາມ
ແລະ ຄວາມສຳຄັນ
ສາຂາເຄມີສາດໝາຍເຖິງການສຶກສາກ່ຽວກັບປະຕິກິລິຍາຕ່າງໆ,ການປະກອບສ້າງ,ການຍ່ອຍສະຫຼາຍທາດເຄມີຕ່າງໆແລະການສັງເຄາະທາດເຄມີ.ການສ້າງຄູຫມາຍເຖິງການຮຽນຮູ້ແລະສຶກສາທັກສະ,ຈັນຍາບັນພື້ນຖານແລະການວາງແຜນເພື່ອການເປັນຄູສອນ.
ສາຂານີ້ມີຄວາມສຳຄັນເພາະໃນປັດຈຸບັນສປປລາວລາວຍັງຂາດຄູສອນຂັ້ນສຶກສາສາມັນໃນສາຍທຳມະຊາດຫຼາຍ
ອີກທັງສວ່ນໃຫຍ່ຄູທີ່ສອນຢູ່ຊັ້ນມັດທະຍົມຕອນປາຍຍັງເປັນຄູທີ່ບໍ່ທັນໄດ້ລະດັບ
ກໍ່ຄືເປັນຄູທີ່ຈົບແຕ່ຊັ້ນກາງສູງແຕ່ຍັງບໍ່ທັນຈົບປະລິນຍາຕີເທື່ອ.
ວິຊານີ້ຮຽນກ່ຽວກັບຫຍັງ
ສາຂານີ້ຮຽນກ່ຽວກັບເຄມີພື້ນຖານ ເຊັ່ນ: ທິດສະດີອາຕອມ, ຊະນິດວັດຖຸທາດ,
ຊະນິດປະຕິກິລິຍາ
ແລະ ອື່ນໆ. ນອກນັ້ນ, ນັກສຶກສາຍັງຈະໄດ້ຮຽນຮູ້ວິທີການສິດສອນ, ການວິເຄາະຫຼັກສູດ
ເພື່ອໃຫ້ສາມາດກະກຽມບົດສອບເສັງໃຫ້ກົງກັບຫຼັກສູດ ແລະ ສາມາດແຕ່ງບົດສອນໄດ້. ນັກສຶກສາຍັງຈະໄດ້ຮຽນຮູ້ເຖິງຫລັກຈັນຍາບັນຂອງການເປັນຄູສອນ, ການສ້າງແຮງບັນດານໃຈ ແລະ
ການຊຸກຍູ້ສົ່ງເສີມໃຫ້ນັກຮຽນຫລືລູກສິດມີສ່ວນຮ່ວມໃນຫ້ອງຮຽນ.
ວິທີການສິດສອນ
ວິທີການສິດສອນຂອງພາກວິຊານີ້ສ່ວນໃຫຍ່ແມ່ນຈະເນັ້ນໃສ່ການທົດລອງປະຕິບັດຕົວຈິງເຊີ່ງເນື້ອໃນການທົດລອງແມ່ນອີງຕາມລາຍວິຊາ.
ຕົວຢ່າງເຊັ່ນ ການວິເຄາະຕົວຈິງກ່ຽວກັບຕົວຢ່າງທີ່ນຳມາໃຊ້ວິໄຈໃນວິຊາເຄມີອະນົງຄະທາດ, ເຄມີວິເຄາະ,
ເຄມີອົງຄະທາດແລະອື່ນໆພ້ອມທັງນຳຜົນທີ່ໄດ້ຮັບມາຂຽນບົດລາຍງານ.
ນອກຈາກນັ້ນ, ນັກສຶກສາຍັງຈະໄດ້ຮຽນຮູ້ວິທີການອອກແບບບົດສອນ
ແລະ ຍັງໃດ້ລົງເຝິກຫັດການສອນຕົວຈິງຢູ່ຕາມໂຮງຮຽນມັດທະຍົມຕ່າງໆ.
ທັກສະ/ຄວາມສົນໃຈ
ນັກຮຽນຄວນມີພື້ນຖານວິຊາຄິດໄລ່ແລະວິຊາວິທະຍາສາດທຳມະຊາດ.
ເປັນຄົນມັກຮັກໃນການສິດສອນ ແລະ ມີອັດທະຍາໄສດີ.
ຄວນມີຄວາມສົນໃຈໃນການທົດລອງປະຕິບັດຕົວຈິງດ້ວຍຕົນເອງ, ຢາກເບິ່ງປະກົດການ, ຮູ້ຄາດຄະເນປະກົດການທີ່ເກີດຂຶ້ນເພື່ອ
ໃຫ້ຖືກກັບທິດສະດີ, ມີຄວາມອົດທົນ ແລະ ຫ້າວຫັນໃນການຮ່ຳຮຽນຫາຄວາມຮູ້ໃໝ່ໆ.
ຈົບແລ້ວສາມາດ
ນັກສຶກສາທີ່ຈົບຈາກສາຂາວິຊານີ້ ຈະມີຄວາມຮູ້ລົງເລິກກ່ຽວກັບລິຊາເຄມີສາດ ແລະ
ຫລັກການພື້ນຖານຂອງການເປັນຄູ. ມີທັກສະໃນການວິເຄາະຫຼັກສູດ, ການຊັ່ງຊາຜົນຕ່າງໆ, ຮູ້ຜົນດີແລະຜົນເສຍຂອງທາດ ເຄມີ,
ຄວາມສຳຄັນຂອງທາດເຄມີໃນການດຳລົງຊີວິດ
ແລະ ທຳມະຊາດ. ນອກຈາກນັ້ນ, ນັກສຶກສາຍັງສາມາດວາງແຜນ, ແຕ່ງແລະອອກແບບບົດສອນ ແລະ ບົດສອບເສັງນຳອີກ.
ອາຊີບ
ນັກສຶກສາສາມາດເປັນອາຈານສອນວິຊາເຄມີສາດສາຂາຕ່າງໆຢູ່ຕາມໂຮງຮຽນປະຖົມ, ມັດທະຍົມ ແລະ ມະຫາວິທະຍາໄລ ຫຼື ເຮັດວຽກນຳກະຊວງຕ່າງໆ
ເຊັ່ນ: ກະຊວງອຸດສາຫະກຳ ແລະ ການຄ້າ,
ກະຊວງຊັບ ພະຍາກອນທຳມະຊາດ
ແລະ ສິ່ງແວດລ້ອມ, ກະຊວງພະລັງງານ ແລະ
ບໍ່ແຮ່ ແລະ ອື່ນໆ. ນອກຈາກນັ້ນ, ຍັງສາມາດເຮັດວຽກກັບບໍລິສັດ
ແລະ ອົງການຈັດຕັ້ງສາກົນທີ່ເຮັດວຽກກ່ຽວຂ້ອງກັບ ເຄມີສາດ.
ທີ່ຕັ້ງ ແລະ ຕິດຕໍ່
ຄະນະສຶກສາສາດ
ວິທະຍາເຂດດົງໂດກ, ມະຫາວິທະຍາໄລແຫ່ງຊາດລາວ
ບ້ານ ດົງໂດກ, ເມືອງ ໄຊທານີ, ນະຄອນຫຼວງວຽງຈັນ
ໂທ: 021 770473
ບໍລິການແລ່ນເອກະສານຕ່າງໆ ໃນ ສປປ.ລາວ 
