ສາຂາ ຂໍ້ມູນຂ່າວສານ ທາງດ້ານພູມສັນຖານ ວິທະຍາໄລເຕັກນິກສັບພະວິຊາ
ຂໍ້ມູນຂ່າວສານ ທາງດ້ານພູມສັນຖານ
ຫຼັກສູດ: ຊັ້ນສູງ 3 ປີ
ວິທະຍາໄລເຕັກນິກສັບພະວິຊາ
ນິຍາມ ແລະ ຄວາມສຳຄັນ
ຂໍ້ມູນຂ່າວສານທາງດ້ານພູມສັນຖານ
ໝາຍເຖິງການນຳໃຊ້ຂໍ້ມູນຂ່າວສານ ແລະ
ລະບົບໂປຣແກຣມເຂົ້າໃນວຽກງານທາງດ້ານການສຳຫຼວດພູມສັນຖານ. ສາຂານີ້ ມີຄວາມສຳຄັນໃນການອຳນວຍຄວາມສະດວກໃຫ້ແກ່ການເກັບກຳຂໍ້ມູນທາງດ້ານພູມສັນຖານທີ່ຈຳເປັນໃນການອອກແບບທາງດ້ານວິສະວະກຳ, ການສຳຫຼວດໜ້າດິນ ແລະ
ລະດັບນ້ຳໂດຍນຳໃຊ້ໂປຣແກຣມ ແລະ ການອອກແບບດ້ານສະຖາປັດຕະຍະກຳ ເຊັ່ນ
ການອອກແບບອາຄານ ແລະ ຜັງເມືອງໃຫ້ສອດຄ່ອງກັບພື້ນທີ່ພູມສັນຖານ.
ວິຊານີ້ຮຽນກ່ຽວກັບຫຍັງ
ສຶກສາກ່ຽວກັບສາມດ້ານໃຫຍ່ຄື: ດ້ານພູມສັນຖານ, ດ້ານໄອທີ ແລະ ດ້ານວິສະວະກໍາສະຖາປັດຕະຍະກໍາ ເຊິ່ງລວມມີ:
ການສຶກສາລັກສະນະຂອງພື້ນດິນ, ການນໍາໃຊ້ທີ່ດິນ
ແລະ ສິ່ງປຸກສ້າງ; ລະບົບຄອມພິວເຕີ
ແລະ ໂປຣແກຣມຕ່າງໆ ເຊັ່ນ: ລະບົບຄອມພິວເຕີກຣາບຟິກ, ໂປຣແກຣມແຕ້ມແບບ; ເຄື່ອງມື ແລະ ວິທີການເກັບກໍາຂໍ້ມູນ, ການສ້າງຖານຂໍ້ມູນພູມສັນຖານດ້ວຍໂປຣແກຣມ.
ນອກນີ້ ຍັງສຶກສາກ່ຽວກັບ ພື້ນຖານການສຳຫຼວດ, ວັດແທກ ແລະ ການອອກແບບວາງແຜນການກໍ່ສ້າງອີກດ້ວຍ.
ວິທີການສິດສອນ
ເນັ້ນໃຫ້ນັກສຶກສາລົງປະຕິບັດຕົວຈິງໂດຍການລົງເກັບກຳຂໍ້ມູນທາງດ້ານພູມສັນຖານກັບຊຸມຊົນເມືອງ, ຊຸມຊົນຊົນນະບົດ ແລະ ອົງກອນຕ່າງໆທີ່ກ່ຽວຂ້ອງທັງພາກລັດ
ແລະ ເອກະຊົນ. ຫຼັງຈາກນັ້ນນັກສຶກສາຈະໄດ້ນຳເອົາຂໍ້ມູນດ້ານຕ່າງໆເຫຼົ່ານັ້ນມາວິເຄາະ
ເຊັ່ນ: ວິເຄາະການນຳໃຊ້ທີ່ດິນ ແລະ ສິ່ງປຸກສ້າງ, ວິເຄາະດ້ານສິ່ງແວດລ້ອມ, ການວິເຄາະດ້ານການສຳຫຼວດອອກແບບ, ວິເຄາະດ້ານປ່າໄມ້, ວິເຄາະດ້ານອຸດສາຫະກຳ ແລະ ອື່ນໆ.
ທັກສະ/ຄວາມສົນໃຈ
ຄວາມຮູ້ພື້ນຖານທາງດ້ານຄະນິດສາດ ໂດຍສະເພາະແມ່ນ
ເລຂາຄະນິດ ແລະ ໄຕມູມມິຕິ, ພູມສາດ, ພາສາອັງກິດ ແລະ ທັກສະພື້ນຖານ ໃນການນຳໃຊ້ຄອມພິວເຕີ. ມີຄວາມສົນໃຈໃນການຊອກຮູ້ ແລະ ຄົ້ນຄວ້າ ກ່ຽວກັບເຕັກໂນໂລຊີໃໝ່ໆ; ສົນໃຈໃນການຊອກຮູ້ກ່ຽວກັບພູມສາດ , ມັກແຕ້ມຮູບ, ແຕ້ມກ່າຍ , ມັກ ຄົ້ນຄວ້າຂໍ້ມູນທາງດ້ານພູມສັນຖານ.
ຈົບແລ້ວສາມາດ
ມີທັກສະພື້ນຖານໃນການສຳຫຼວດວັດແທກພູມສັນຖານ; ທັກສະໃນການເກັບກໍາຂໍ້ມູນ, ອອກແບບຖານຂໍ້ມູນທາງດ້ານພູມສັນຖານ ແລະ ສ້າງແຜນທີ່ພູມສັນຖານ
ໂດຍການນໍາໃຊ້ລະບົບໂປຣແກຣມຄອມພິວເຕີຕ່າງໆ ເຊັ່ນ: ໂປຣແກຣມ GIS,
AutoCAD Land ເພື່ອຮັບໃຊ້ໃນວຽກອອກແບບດ້ານວິສະວະກໍາ
ແລະ ສະຖາປັດຕະຍະກໍາ.
ອາຊີບ
ນັກສຶກສາສາມາດປະກອບອາຊີບກ່ຽວກັບການວິໄຈ ແລະ
ອອກແບບຖານຂໍ້ມູນ ເພື່ອຮັບໃຊ້ໃນການວຽກງານດ້ານຕ່າງໆເຊັ່ນ: ວຽກງານທາງດ້ານອຸດສາຫະກຳ, ວຽກງານບໍ່ແຮ່, ເຂື່ອນໄຟຟ້າ, ເສັ້ນທາງຄົມມະນາຄົມ, ການນຳໃຊ້ທີ່ດິນ, ເຄຫາຜັງເມືອງ, ຊົນລະປະທານ, ການທ່ອງທ່ຽວທຳມະຊາດ ແລະ ອື່ນໆ ໃນໜ່ວຍງານຂອງລັດ ແລະ
ເອກະຊົນ.
ທີ່ຕັ້ງ ແລະ ຕິດຕໍ່
ວິທະຍາໄລເຕັກນິກສັບພະວິຊາ
ບ້ານ ໂສກປ່າຫຼວງ, ເມືອງ ສີສັດຕະນາກ, ນະຄອນຫຼວງວຽງຈັນ
ໂທ: 021
312420 ຫຼື 021
313303
ບໍລິການແລ່ນເອກະສານຕ່າງໆ ໃນ ສປປ.ລາວ 
