ສາຂາ ບູຮານວິທະຍາ ແລະ ການຄຸ້ມຄອງມໍລະດົກ ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດລາວ
ບູຮານວິທະຍາ ແລະ ການຄຸ້ມຄອງມໍລະດົກ
ຫຼັກສູດ: ປະລິນຍາຕີ 4 ປີ
ຄະນະວິທະຍາສາດສັງຄົມ
ມະຫາວິທະຍາໄລແຫ່ງຊາດລາວ
ນິຍາມ ແລະ ຄວາມສຳຄັນ
ສາຂາບູຮານວິທະຍາ ແລະ
ການຄຸ້ມຄອງມໍລະດົກ ໝາຍເຖິງການສຶກສາກ່ຽວກັບຕົ້ນກໍາເນີດຂອງມະນູດ ແລະ ສັງຄົມມະນຸດໃນອະດີດນັບແຕ່ຍຸກກ່ອນປະຫວັດສາດໂດຍຜ່ານການສຶກສາບັນດາວັດຖຸບູຮານ
ຫຼື ຮ່ອງຮອຍຂອງມັນ
ເຊິ່ງມີຄວາມສໍາຄັນໃນການສ້າງຈິດສໍານຶກໃນການປົກປັກຮັກສາມໍລະດົກວັດທະນະທໍາ
ໂດຍສະເພາະໃນຍຸກແຫ່ງຄວາມທັນສະໄໝທີ່ເນັ້ນໜັກໃສ່ການພັດທະນາທາງດ້ານເສດຖະກິດ
ແຕ່ຫຼົງລືມມໍລະດົກທາງດ້ານວັດທະນະທໍາທີ່ເປັນຮາກເຫງົ້າ ແລະ ເອກະລັກຂອງຕົນ.
ວິຊານີ້ຮຽນກ່ຽວກັບຫຍັງ
ສາຂານີ້ແມ່ນສຶກສາກ່ຽວກັບຫຼັກການທິດສະດີ
ແລະ ບັນດາວິທີການສຶກສາທາງດ້ານບູຮານຄະດີ ເຊັ່ນ: ການສຳຫຼວດ (ການຊອກຫາ) ແລະ
ການຂຸດຄົ້ນແຫຼ່ງບູຮານຄະດີ, ການວິເຄາະ ແລະ
ແປຄວາມໝາຍຂອງຫຼັກຖານທີ່ໄດ້ຈາກການຂຸດຄົ້ນ,
ສຶກສາສາຂາວິຊາທີ່ກ່ຽວຂ້ອງ
ເຊັ່ນ: ເຄມີສາດ, ຊິວະສາດ, ປະຫວັດສາດ ແລະ ມະນຸດວິທະຍາໃນການວິເຄາະບູຮານຄະດີ.
ພ້ອມທັງສຶກສາເຕັກນິກໃນການບັນທຶກຂໍ້ມູນດ້ານບູຮານຄະດີ, ການຈັດເກັບຮັກສາວັດຖຸບູຮານ ແລະ ການຈັດພິພິທະພັນ.
ວິທີການສິດສອນ
ນັກສຶກສາຈະໄດ້ຮຽນທິດສະດີໂດຍຜ່ານການບັນຍາຍ
ແລະ ຝຶກອົບຮົມຈາກອາຈານພາຍໃນ ແລະ ຊ່ຽວຊານຕ່າງປະເທດ. ນອກຈາກນີ້
ຍັງປະກອບດ້ວຍພາກປະຕິບັດຕົວຈິງ ໂດຍນັກສຶກສາຈະໄດ້ຝຶກເຕັກນິກການແຕ້ມ, ການຖ່າຍພາບ ແລະ ການນໍາໃຊ້ອູປະກອນທາງບູຮານຄະດີ, ມີການລົງສໍາຫຼວດ,
ຂຸດຄົ້ນພາກສະໜາມ
ຕາມສະຖານທີ່ຕ່າງໆ ແລະ ຂຽນບົດລາຍງານການສໍາຫຼວດ,
ມີການທັດສະນະສຶກສາ
ແລະ ລົງຝຶກງານໃນໜ່ວຍງານທີ່ກ່ຽວຂ້ອງ ເປັນຕົ້ນ.
ທັກສະ/ຄວາມສົນໃຈ
ຄວນເປັນຜູ້ທີ່ມີຄວາມຮູ້ພື້ນຖານທາງດ້ານປະຫວັດສາດ, ມີຄວາມສົນໃຈໃນການສຶກສາກ່ຽວກັບບູຮານວິທະຍາ ແລະ
ການຄຸ້ມຄອງມໍລະດົກ, ວັດທະນະທຳ-ສັງຄົມ
ອັນເປັນຜົນງານປະດິດຄິດສ້າງຂອງມະນຸດໃນອະດີດ;
ເປັນຄົນທີ່ມີຄວາມອົດທົນສູງ
ແລະ ສາມາດເຮັດວຽກເປັນທີມໄດ້, ມັກໃນການເຮັດວຽກຢູ່ພາກສະໜາມ, ມີຄວາມລະອຽດ ແລະ ໃສ່ໃຈຕໍ່ວຽກງານ.
ຈົບແລ້ວສາມາດ
ມິຄວາມສາມາດໃນການສໍາຫຼວດ
ແລະ ຂຸດຄົ້ນຫາຫຼັກຖານທາງບູຮານວິທະຍາ ເຊັ່ນ: ໂຄງກະດູກ ແລະ ເຄື່ອງມືຕ່າງໆ,ວິເຄາະຄວາມໝາຍທາງບູຮານຄະດີ ເຊັ່ນ:
ການກໍານົດອາຍຸຂອງວັດຖຸບູຮານ ໂດຍການວິເຄາະທາງເຄມີສາດ, ຊີວະສາດ, ປະຫວັດສາດ ແລະ
ມະນຸດວິທະຍາ. ສາມາດນໍາໃຊ້ເຕັກນິກການແຕ້ມຮູບ,
ແຕ້ມແຜນທີ່
ແລະ ຖ່າຍພາບທາງດ້ານບູຮານຄະດີ.
ອາຊີບ
ເປັນນັກບູຮານຄະດີ, ພະນັກງານຄຸ້ມຄອງມໍລະດົກ ຕາມໜ່ວຍງານທີ່ກ່ຽວຂ້ອງເຊັ່ນ:
ກະຊວງວັດທະນະທໍາ, ຖະແຫຼງຂ່າວ ແລະ ທ່ອງທ່ຽວ, ພິພິທະພັນສະຖານ. ເປັນນັກວິຊາການ ຫຼື
ນັກຄົ້ນຄວ້າກ່ຽວກັບບູຮານຄະດີໃຫ້ແກ່ໂຄງການທີ່ກ່ຽວຂ້ອງກັບການຄຸ້ມຄອງມໍລະດົກ.
ເປັນພະນັກງານນຳທ່ຽວທາງວັດທະນະທຳ ແລະ ອື່ນໆ.
ທີ່ຕັ້ງ ແລະ ຕິດຕໍ່
ຄະນະວິທະຍາສາດສັງຄົມ
ວິທະຍາເຂດດົງໂດກ, ມະຫາວິທະຍາໄລແຫ່ງຊາດລາວ
ບ້ານ ດົງໂດກ, ເມືອງ ໄຊທານີ,
ນະຄອນຫຼວງວຽງຈັນ
ໂທ: 021
770876
ບໍລິການແລ່ນເອກະສານຕ່າງໆ ໃນ ສປປ.ລາວ 
