ສາຂາ ບັນນາຮັກສາດ ແລະ ສາຣະສົນເທດສາດ ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດລາວ
ບັນນາຮັກສາດ ແລະ ສາຣະສົນເທດສາດ
ຫຼັກສູດ: ປະລິນຍາຕີ 4 ປີ
ຄະນະວິທະຍາສາດສັງຄົມ
ມະຫາວິທະຍາໄລແຫ່ງຊາດລາວ
ນິຍາມ ແລະ ຄວາມສຳຄັນ
ບັນນາຮັກສາດ ແລະ
ສາຣະສົນເທດສາດໝາຍເຖິງ ການຄຸ້ມຄອງ ແລະ ຈັດການຂໍ້ມູນ ເຊິ່ງມີຄວາມສໍາຄັນ, ເນື່ອງຈາກຂໍ້ມູນໄດ້ມີບົດບາດໃນທຸກໆຂະແໜງການ.
ດັ່ງນັ້ນ, ຈຶ່ງມີຄວາມຮຽກຮ້ອງຕ້ອງການໃຫ້ມີການຈັດການ ແລະ
ການຈັດເກັບຂໍ້ມູນໃຫ້ເປັນລະບົບໂດຍການນໍາໃຊ້ເຕັກໂນໂລຊີທີ່ທັນສະໄໝ, ສາມາດອໍານວຍຄວາມສະດວກໃຫ້ແກ່ການເຂົ້າເຖິງ
ແລະ ນໍາໃຊ້ຂໍ້ມູນເຂົ້າໃນວຽກງານການສຶກສາ ກໍ່ຄືການພັດທະນາເສດຖະກິດ-ສັງຄົມ.
ວິຊານີ້ຮຽນກ່ຽວກັບຫຍັງ
ວິຊານີ້ຮຽນກ່ຽວກັບ
ວຽກງານບັນນາຮັກສາດ ແລະ ຫ້ອງສະໝຸດລວມມີ: ການຈັດແຟ້ມ, ການຄົ້ນຫາ,
ການໃຊ້ເຕັກໂນໂລຊີໃນການຈັດການສິ່ງພິມ
ແລະ ຫ້ອງສະໝຸດແຕ່ລະປະເພດເຊັ່ນ: ຫ້ອງສະໝຸດໂຮງຮຽນ, ວິທະຍາໄລ,
ຊຸມຊົນ
ແລະ ອື່ນໆ; ນອກນີ້, ນັກສຶກສາຍັງຈະໄດ້ຮຽນກ່ຽວກັບ ວຽກງານສາຣະສົນເທດສາດ
ແລະ ການໝູນໃຊ້ເຕັກໂນໂລຊີສາຣະສົນເທດໃຫ້ເໝາະກັບອົງກອນ
ອີກທັງຈະໄດ້ສຶກສາກ່ຽວກັບ ວຽກງານການບໍລິຫານຫ້ອງການ ແລະ ວຽກງານເລຂານຸການ.
ວິທີການສິດສອນ
ວິທີການສິດສອນລວມມີ
ການຮຽນທິດສະດີຄຽງຄູ່ໄປກັບການປະຕິບັດຕົວຈິງ
ເຊິ່ງລວມມີການປະຕິບັດວຽກງານໃນຫ້ອງອ່ານຂອງພາກວິຊາ ແລະ ຫໍສະໝຸດກາງ
ຂອງມະຫາວິທະຍາໄລແຫ່ງຊາດ, ການຂຽນບົດລາຍງານເປັນບຸກຄົນ
ແລະ ເປັນກຸ່ມ ກ່ຽວກັບລາຍວິຊາທີ່ກ່ຽວຂ້ອງ,
ການຝຶກງານໃນສະຖານຕ່າງໆເຊັ່ນ:
ຫ້ອງການ, ສໍານັກງານ,
ຫ້ອງອ່ານ
ແລະ ຫ້ອງສະໝຸດ ເຊິ່ງຫຼັງຈາກສໍາເລັດການລົງຝຶກງານ, ນັກສຶກສາຈະໄດ້ລາຍງານ ແລະ ນໍາສະເໜີຜົນການຝຶກງານ.
ທັກສະ/ຄວາມສົນໃຈ
ຄວາມຮູ້ພື້ນຖານວິຊາສັງຄົມສາດ, ຄະນິດສາດ ແລະ ພາສາຕ່າງປະເທດ; ເປັນຄົນມັກການອ່ານ ແລະ ໃສ່ໃຈໃນລາຍລະອຽດ; ມີຄວາມສົນໃຈໃນການອະນຸລັກຮັກສາສິ່ງພິມ
ແລະ ຂໍ້ມູນ, ວຽກງານບໍລິຫານຫ້ອງການ, ວຽກງານເອກະສານ,
ວຽກງານເລຂານຸການ, ວຽກງານຖານຂໍ້ມູນ ແລະ ເຕັກໂນໂລຊີເປັນຕົ້ນ.
ຈົບແລ້ວສາມາດ
ຄວາມສາມາດໃນການບໍລິຫານຫ້ອງການ, ການຂຽນເອກະສານທາງລັດຖະການ, ການເຮັດວຽກເປັນເລຂານຸການ, ການຄຸ້ມຄອງ ແລະ ບໍລິຫານຫ້ອງສະໝຸດ, ການສົ່ງເສີມການອ່ານ, ການຈັດກອງປະຊຸມ, ສາມາດນໍາໃຊ້ເຕັກໂນໂລຊີຕ່າງໆເຊັ່ນ: ການສ້າງຖານຂໍ້ມູນ ແລະ
ເວັບໄຊທ໌ ເຂົ້າໃນການຈັດການກັບຂໍ້ມູນ ແລະ ການຮັກສາເອກະສານ.
ອາຊີບ
ເປັນນັກບັນນາຮັກສາດ
(ພະນັກງານຫ້ອງສະໝຸດ), ພະນັກງານບໍລິຫານຫ້ອງການ, ເລຂານຸການ,
ພະນັກງານສະໜອງຂໍ້ມູນ, ພະນັກງານອະນຸລັກຊັບພະຍາກອນວັດທະນາທໍາໃນອົງກອນຕ່າງໆເຊັ່ນ:
ກະຊວງຖະແຫຼງຂ່າວ ແລະ ວັດທະນະທໍາ;
ຫໍສະໝຸດຕ່າງໆເຊັ່ນ:
ຫໍສະໝຸດແຫ່ງຊາດ; ຫໍສະໝຸດຊຸມຊົນ; ບັນດາຫໍພິພິດຕະພັນ ແລະ ອື່ນໆ.
ທີ່ຕັ້ງ ແລະ ຕິດຕໍ່
ຄະນະວິທະຍາສາດສັງຄົມ
ວິທະຍາເຂດດົງໂດກ, ມະຫາວິທະຍາໄລແຫ່ງຊາດລາວ
ບ້ານ ດົງໂດກ, ເມືອງ ໄຊທານີ,
ນະຄອນຫຼວງວຽງຈັນ
ໂທ: 021
770876
ບໍລິການແລ່ນເອກະສານຕ່າງໆ ໃນ ສປປ.ລາວ 
