ສາຂາ ການຈັດການສິ່ງແວດລ້ອມ ຄະນະວິທະຍາສາດສິ່ງແວດລ້ອມ ມະຫາວິທະຍາໄລແຫ່ງຊາດລາວ
ການຈັດການສິ່ງແວດລ້ອມ
ຫຼັກສູດ: ປະລິນຍາຕີ 4 ປີ
ຄະນະວິທະຍາສາດສິ່ງແວດລ້ອມ
ມະຫາວິທະຍາໄລແຫ່ງຊາດລາວ
ນິຍາມ
ແລະ ຄວາມສຳຄັນ
ການຈັດການສິ່ງແວດລ້ອມ ໝາຍເຖິງການຄຸ້ມຄອງ,
ບໍລິຫານ
ແລະ ຈັດການ ຊັບພະຍາກອນທໍາມະຊາດ ໃຫ້ຢູ່ໃນສະພາບທີ່ສົມບູນ, ມີການນໍາໃຊ້ຢ່າງມີປະສິດທິພາບ ແລະ
ເກີດຜົນປະໂຫຍດສູງສຸດ. ຊັບພະຍາກອນທໍາມະຊາດເປັນສິ່ງທີ່ມີຢູ່ຢ່າງຈໍາກັດ ແລະ
ເປັນປັດໄຈພື້ນຖານໃຫ້ແກ່ການດໍາລົງຊີວິດຂອງຄົນ,
ສັດ ແລະ
ພືດ, ເພື່ອໃຫ້ມີການອະນຸລັກ ແລະ
ປົກປັກຮັກສາໄວ້ໃຫ້ຄົນຮຸ່ນຕໍ່ໄປ ຈຶ່ງຈໍາເປັນ
ທີ່ຈະຕ້ອງມີການຈັດການສິ່ງແວດລ້ອມທີ່ດີ ເພື່ອຮັກສາໄວ້ ແລະ ສາມາດນໍາໃຊ້ໄດ້ຢ່າງຍືນຍົງ.
ທີ່ຈະຕ້ອງມີການຈັດການສິ່ງແວດລ້ອມທີ່ດີ ເພື່ອຮັກສາໄວ້ ແລະ ສາມາດນໍາໃຊ້ໄດ້ຢ່າງຍືນຍົງ.
ວິຊານີ້ຮຽນກ່ຽວກັບຫຍັງ
ສາຂາວິຊານີ້ຮຽນກ່ຽວກັບ ນິຕິກຳ ທີ່ກ່ຽວຂ້ອງກັບ ຊັບພະຍາກອນທຳມະຊາດ ແລະ
ສິ່ງແວດລ້ອມ, ການວິເຄາະບັນຫາສິ່ງແວດລ້ອມ, ການປະເມີນຄວາມສ່ຽງ ຫຼື ຜົນກະທົບຈາກໂຄງການພັດທະນາ, ການຄຸ້ມຄອງຊັບພະຍາກອນທໍາມະຊາດ ແລະ ສິ່ງແວດລ້ອມ, ບັນຫາຄວາມເຊື່ອມໂຊມທາງສິ່ງແວດລ້ອມ
ແລະ ການຂາດແຄນຊັບພະຍາກອນ ໂດຍມີຈຸດປະສົງເພື່ອຊອກຫາວິທີແກ້ໄຂບັນຫາ, ຟື້ນຟູ,
ປັບປຸງ, ຄຸ້ມຄອງ ແລະ ຈັດສັນສິ່ງແວດລ້ອມໃຫ້ຢູ່ໃນສະພາວະສົມດຸນ
ແລະ ສົມບູນທີ່ສຸດ.
ວິທີການສິດສອນ
ນັກສຶກສາຈະໄດ້ຮຽນຮູ້ທິດສະດີທີ່ກ່ຽວຂ້ອງກັບການຄຸ້ມຄອງສິ່ງແວດລ້ອມ ແລະ
ບັນຫາທີ່ເກີດຂຶ້ນຕົວຈິງໃນປະຈຸບັນ ຜ່ານກໍລະນີສຶກສາໃນຮູບແບບຕ່າງໆ
ແລ້ວນໍາສະເໜີຜົນຂອງການສຶກສາພ້ອມທັງເຮັດບົດລາຍງານ. ມີການລົງພາກປະຕິບັດຕົວຈິງເຊັ່ນ:
ທົດລອງເຮັດປຸ໋ຍຊີວະພາບ, ສໍາຫຼວດວັດແທກພື້ນທີ່, ວິເຄາະວິໄຈ ຫຼື ບໍາບັດນໍ້າເສຍ, ຈັດການຂີ້ເຫຍື້ອ. ມີການທັດສະນະສຶກສາຢູ່ໂຮງງານອຸດສາຫະກໍາ
ແລະ ສະຖານທີ່ໆມີຜົນກະທົບທາງສິິ່ງແວດລ້ອມ ຫຼື ທີ່ມີການຈັດການສິ່ງແວດລ້ອມທີ່ດີ.
ທັກສະ/ຄວາມສົນໃຈ
ຄວາມຮູ້ພື້ນຖານ ທາງດ້ານວິທະຍາສາດທໍາມະຊາດ,
ສິ່ງແວດລ້ອມ
ແລະ ວິີທີການປະເມີນຜົນ. ຕ້ອງເປັນຄົນ ຮອບຄອບ,
ມັກຄົ້ນຄິດ
ແລະ ຊ່າງສັງເກດ. ມີທັກສະ ໃນການຈັດການ,
ວາງແຜນ, ແກ້ໄຂ ແລະ ຄຸ້ມຄອງວຽກງານຢ່າງເປັນລະບົບ. ມີຄວາມສົນໃຈ ໃນການຮຽນຮູ້ແບບແຜນວິທີການພັດທະນາທີ່
ເປັນມິດກັບສິ່ງແວດລ້ອມ ແລະ ສັງຄົມ.
ຈົບແລ້ວສາມາດ
ທັກສະໃນການວິເຄາະ ແລະ ພິຈາລະນາບັນຫາ,
ການນໍາໃຊ້ເຄື່ອງມື
ແລະ ວິທີການໃນການແກ້ໄຂບັນຫາສິ່ງແວດລ້ອມ;
ຮູ້ຂັ້ນຕອນ
ແລະ ວິທີການປ້ອງກັນບັນຫາສິ່ງແວດລ້ອມ,
ການຈັດການສິ່ງແວດລ້ອມ, ການວາງແຜນພັດທະນາ, ການຄຸ້ມຄອງ ແລະ ການປົກປັກຮັກສາສິ່ງແວດລ້ອມ; ຮູ້ວິທີການປະເມີນ ແລະ ຫຼຸດຜ່ອນ ຜົນກະທົບທີ່ ອາດຈະເກີດຂຶ້ນກັບສິ່ງແວດລ້ອມ.
ອາຊີບ
ສາມາດປະກອບອາຊີບໃນໜ່ວຍງານທີ່ກ່ຽວຂ້ອງກັບ ການຄຸ້ມຄອງ-ອະນຸລັກສິ່ງແວດລ້ອມ, ການພັດທະນາໂຄງການ, ການບໍລິຫານຈັດການດ້ານສິ່ງແວດລ້ອມ ແລະ ການປະເມີນຜົນກະທົບທາງສິ່ງແວດລ້ອມ
ທັງພາກລັດ ແລະ ເອກະຊົນ ເຊັ່ນ: ກະຊວງຕ່າງໆທີ່ກ່ຽວຂ້ອງ, ບໍລິສັດ ຫຼື ໂຮງງານກະສິກໍາ, ໂຄງການພັດທະນາ ຫຼື ອົງການຈັດຕັ້ງສາກົນ ເປັນຕົ້ນ.
ທີ່ຕັ້ງ ແລະ ຕິດຕໍ່
ຄະນະ ວິທະຍາສາດສິ່ງແວດລ້ອມ
ວິທະຍາເຂດດົງໂດກ
ມະຫາວິທະຍາໄລແຫ່ງຊາດລາວ
ບ້ານ ດົງໂດກ ເມືອງ ໄຊທານີ, ນະຄອນຫຼວງວຽງຈັນ
ໂທ: 021 770 561 ຫຼື 030 9815276
ເວັບໄຊ໌ www.fes.nuol.edu.la
ບໍລິການແລ່ນເອກະສານຕ່າງໆ ໃນ ສປປ.ລາວ 
