ສາຂາ ວິເຄາະການແພດ ຄະນະພະຍາບານສາດ, ມະຫາວິທະຍາໄລວິທະຍາສາດສຸຂະພາບ
ວິເຄາະການແພດ
ຫຼັກສູດ: ປະລິນຍາຕີ 6 ປີ
ກ່ອນເຂົ້າຮຽນຄະນະການແພດແມ່ນຈະຕ້ອງຜ່ານຄະນະວິທະຍາສາດພື້ນຖານກ່ອນໄລຍະ
3 ປີ ຫຼັງຈາກນັ້ນຮຽນຢູ່ຄະນະການແພດ 3 ປີ
ຄະນະພະຍາບານສາດ, ມະຫາວິທະຍາໄລວິທະຍາສາດສຸຂະພາບ
ນິຍາມ ແລະ ຄວາມສຳຄັນ
ວິເຄາະການແພດ ໝາຍເຖິງ ວິທະຍາສາດທາງການແພດ
ທີ່ນຳໃຊ້ເຕັກນິກການກວດກາວິເຄາະ ເພື່ອຊອກຫາເຊື້ອພະຍາດ
ເຊິ່ງສາມາດຊ່ວຍໃນການບົ່ງມະຕິພະຍາດໃຫ້ໄດ້ວ່ອງໄວ ແລະ ຊັດເຈນ ເຊັ່ນ:
ກວດກາເຊື້ອແມ່ກາຝາກ, ພະຍາດໄຂ້ຍຸງ, ກວດເລືອດ ແລະ ອື່ນໆ.
ໃນກໍລະນີທີ່ມີການກວດພົບພະຍາດທີຮ້າຍແຮງ ແລະ ບໍ່ສາມາດຫາທາງປິ່ນປົວໄດ້ ກໍ່ຈະສາມາດຊ່ວຍໃນການຄວບຄຸມການຂະຫຍາຍຕົວຂອງພະຍາດນັ້ນໆ
ເຊັ່ນ: ພະຍາດເອສ, ມະເຮັງ ແລະ
ພະຍາດທີ່ຖ່າຍທອດທາງກຳມະພັນ.
ວິຊານີ້ຮຽນກ່ຽວກັບຫຍັງ
ສາຂານີ້ຮຽນຮູ້ກ່ຽວກັບ
ເຕັກນິກ ແລະ
ວິທີການໃນການກວດກາວິເຄາະໂດຍນຳໃຊ້ເຄື່ອງຈັກທາງການແພດທີ່ທັນສະໄໝ
ເຂົ້າໃນການກວດເລືອດ, ນ້ຳປັດສະວະ, ອາຈົມ ແລະ ອື່ນໆ ເພື່ອໃຫ້ໄດ້ຜົນກວດທີ່ຊັດເຈນ
ເພື່ອຊ່ວຍທ່ານໝໍໃນການບົ່ງມະຕິ ແລະ ປິ່ນປົວພະຍາດ. ນອກຈາກນີ້, ນັກສຶກສາຍັງໄດ້ຮຽນກ່ຽວກັບວິຊາບໍລິການເລືອດ ແລະ
ການບໍລິຈາກເລືອດ, ການເກັບເລືອດ, ການຕຽມແຍກສ່ວນຕ່າງໆຂອງເລືອດ ແລະ ການຕຽມເລືອດໃຫ້ຄົນເຈັບ.
ວິທີການສິດສອນ
ວິທີການສິດສອນແມ່ນຮຽນພາກທິດສະດີແບບບັນລະຍາຍ, ແບ່ງກຸ່ມໃຫ້ນັກສຶກສາຄົ້ນຄວ້າ ແລະ
ເຮັດບົດລາຍງານສົ່ງ. ສຳລັບພາກປະຕິບັດຕົວຈິງ
ແມ່ນລົງຝຶກຫັດຢູ່ຫ້ອງທົດລອງຂອງພາກວິຊາວິເຄາະການແພດ ແລະ
ລົງຝຶກຫັດຢູ່ຕາມໂຮງໝໍຕ່າງໆ,
ສູນບໍລິຈາກເລືອດແຫ່ງຊາດ, ສູນວິເຄາະ-ລະບາດວິທະຍາ, ສູນໄຂ້ຍຸງ,
ແມ່ກາຝາກ
ແລະ ແມງໄມ້
ໂດຍນັກສຶກສາຈະໄດ້ກວດຫາເຊື້ອພະຍາດຕ່າງໆຈາກຄົນເຈັບດ້ວຍຕົນເອງ
ແລ້ວລາຍງານຜົນກວດໃຫ້ອາຈານ ແລະ ພະນັກງານຫ້ອງວິເຄາະ.
ທັກສະ/ຄວາມສົນໃຈ
ຄວາມຮູ້ພື້ນຖານດ້ານ ວິຊາ ຄະນິດສາດ, ເຄມີສາດ,
ຟິຊິກສາດ, ຄອມພິວເຕີ ແລະ ພາສາອັງກິດ; ເປັນຄົນ ມັກສັງເກດ,
ແກ້ໄຂບັນຫາ, ໃສ່ໃຈໃນລາຍລະອຽດ, ແລະ ມີຄວາມອົດທົນ; ມີທັກສະ
ໃນການວິເຄາະ, ນໍາໃຊ້ເຄື່ອງຈັກທີ່ສະຫຼັບຊັບຊ້ອນ, ຈື່ຈໍາຮູບແບບ ແລະ ລັກສະນະ; ມີຄວາມສົນໃຈ ໃນການທົດລອງ ແລະ
ຄົ້ນຄວ້າຫາເຊື້ອພະຍາດຕ່າງໆ;
ຈົບແລ້ວສາມາດ
ສາມາດກວດວິເຄາະຕົວຢ່າງເລືອດ
ແລະ ທາດແຫຼວໃນຮ່າງກາຍ ເພື່ອກວດຫາລະດັບສານເຄມີ, ເຊື້ອຈຸລະຊີບ, ລັກສະນະຄວາມຜິດປົກກະຕິຂອງຈຸລັງ,
ພູມຄຸ້ມກັນຂອງຮ່າງກາຍ
ດ້ວຍວິທີທາງວິທະຍາສາດເຕັກໂນໂລຊີທີ່ທັນສະໄໝ ເພື່ອໃຫ້ໄດ້ຂໍ້ມູນ ແລະ
ນຳໄປໃຊ້ໃນການວິໄຈພະຍາດ, ຕິດຕາມຮັກສາ ແລະ
ປະເມີນສຸຂະພາບຮ່າງກາຍໄດ້ຢ່າງຖືກຕ້ອງ.
ອາຊີບ
ສາມາດເຮັດວຽກນຳພະແນກວິເຄາະຂອງໂຮງໝໍ
ແລະ ສູນຕ່າງໆ ທີ່ມີຫ້ອງວິເຄາະທາງການແພດ ທັງພາກລັດ ແລະ ເອກະຊົນ; ເປັນນັກວິໄຈຄົ້ນຄວ້າກ່ຽວກັບເຊື້ອພະຍາດຕ່າງໆ
ແລະ ເປັນຜູ້ຊ່ວຍນັກວິໄຈ; ເຮັດວຽກນຳບໍລິສັດຂາຍອຸປະກອນ
ແລະ ນ້ຳຢາເຄມີທາງການແພດ; ປະກອບວິຊາຊີບອິດສະຫຼະເຊັ່ນ:
ຕັ້ງຄລີນິກກ່ຽວກັບການກວດວິເຄາະພະຍາດຕ່າງໆ.
ທີ່ຕັ້ງ ແລະ ຕິດຕໍ່
ວິທະຍາໄລວິທະຍາສາດ
ສຸຂະພາບ
ວິທະຍາເຂດ ເພຍວັດ
ຖະໜົນ ສາມແສນໄທ, ເມືອງ ສີສັດຕະນາກ, ນະຄອນຫຼວງວຽງຈັນ. ຕູ້ ປ.ນ 7444
ໂທ: 021 222883, ແຟັກ 021 2140 55
ອີເມວ: contact@uhs.edu.la.
ເວັບໄຊ໌ www.uhs.edu.la
ບໍລິການແລ່ນເອກະສານຕ່າງໆ ໃນ ສປປ.ລາວ 
