ສາຂາ ອອກແບບຕົກແຕ່ງ ຄະນະວິຊາສະຖາປັດຕະຍະກຳສາດ ມະຫາວິທະຍາໄລແຫ່ງຊາດລາວ
ອອກແບບຕົກແຕ່ງ
ຫຼັກສູດ: ປະລິນຍາຕີ 4 ປີ
ຄະນະວິຊາສະຖາປັດຕະຍະກຳສາດ
ມະຫາວິທະຍາໄລແຫ່ງຊາດລາວ
ນິຍາມ ແລະ ຄວາມສຳຄັນ
ສາຂາວິຊາການອອກແບບຕົກແຕ່ງ
ເປັນສາຂາຮຽນໜຶ່ງຂອງຄະນະສະຖາປັດຕະຍະກໍາສາດ
ທີ່ໄດ້ລົງເລິກກ່ຽວກັບການສຶກສາດ້ານສິລະປະການອອກແບບ,ທັດສະນີຍະພາບທັງພາຍໃນແລະພາຍນອກ ເພື່ອໃຫ້ເກີດຄວາມສວຍງາມ ແລະ
ຄວາມສະດວກສະບາຍໃຫ້ແກ່ຜູ້ຊົມໃຊ້ ແລະ
ຈຸດປະສົງຫຼັກຂອງໃນການສ້າງນັກວິຊາການດ້ານການອອກແບບຕົກແຕ່ງພາຍໃນ ແລະ
ພູມິທັດໃນເຂດອ້ອມຮອບອາຄານ ເຊັ່ນ: ປະເພດອາຄານທີ່ຢູ່ອາໄສ ແລະ ອາຄານສາທາລະນະທົ່ວໄປ.
ວິຊານີ້ຮຽນກ່ຽວກັບຫຍັງ
ວິຊານີ້ຮຽນກ່ຽວກັບການອອກແບບຕົກແຕ່ງທັງພາຍໃນ
ແລະ ພາຍນອກ. ນັກສຶກສາຈະໄດ້ຮຽນຮູ້ກ່ຽວກັບ
ການໃຊ້ຄວາມຄິດຈິນຕະນາການທີ່ມີຄວາມຫຼາກຫຼາຍຮູບແບບ ແລະ
ແປກໃໝ່ເຂົ້າໃນການອອກແບບລວດລາຍຕ່າງໆ ການປະສົມປະສານຮູບແບບທ້ອງຖິ່ນ
ແລະ ຮ່ວມສະໄໝ ແລ້ວນຳມາໃສ່ພື້ນຜິວອາຄານ ຫຼື
ຕົກແຕ່ງດ້ວຍວັດສະດຸຕ່າງໆ. ນອກຈາກນີ້,
ນັກສຶກສາຍັງຈະໄດ້ໃຊ້ຄວາມຮູ້ທາງດ້ານວິທະຍາສາດ
ແລະ ວິທະຍາການຕ່າງໆ ຢ່າງມີສິລະປະເຂົ້າໃນການອອກແບບຕົກແຕ່ງ.
ວິທີການສິດສອນ
ວິທີການສິດສອນຂອງພາກວິຊາອອກແບບຕົກແຕ່ງນີ້ແມ່ນອີງໃສ່ລະບົບໜ່ວຍກິດເປັນການສອນທິດສະດີ
ແລະ ປະຕິບັດໂຄງການໄປພ້ອມໆກັນ ນອກນັ້ນ ຍັງໄດ້ນໍາພານັກສຶກສາລົງຝຶກງານສໍານັກງານ, ຫ້ອງການ ແລະ ສະໜາມກໍ່ສ້າງທັງພາກລັດ ແລະ ເອກະຊົນ
ພ້ອມທັງນໍາພານັກສຶກສາໄປທັດສະນະສຶກສາຢູ່ພາຍໃນ ແລະ ຕ່າງປະເທດ.
ຫຼັກສູດປະລິນຍາຕີການອອກແບບຕົກແຕ່ງໃຊ້ເວລາການສຶກສາເປັນເວລາ 4 ປີ ຫຼື ບໍ່ຕໍ່າກວ່າ 8 ພາກຮຽນ.
ທັກສະ/ຄວາມສົນໃຈ
ນັກຮຽນທີ່ຈະເຂົ້າມາຮຽນໃນສາຂານີ້
ຕ້ອງເປັນຄົນທີ່ມີຄວາມກະຕືລືລົ້ນໃນການຮຽນຮູ້, ເປັນຄົນທີ່ມີຄວາມສົນໃຈ, ຕັ້ງໃຈ ແລະ ຄວາມມຸ້ງໝັ້ນຢາກຮຽນຮູ້ພາສາອັງກິດເຊິ່ງສາມາດນໍາໃຊ້ໄດ້ໃນທຸກຂົງເຂດທຸລະກິດ.ນອກນັ້ນ
ຕ້ອງເປັນຄົນທີ່ມີພອນສະຫວັນໃນຕົວ ເຊັ່ນ:ມີມະມຸດສໍາພັນດີ, ຄວາມກ້າສະແດງອອກ ແລະ
ຄວາມສາມາດໃນການຕໍ່ລອງເຈລະຈາເປັນຕົ້ນ.
ຈົບແລ້ວສາມາດ
ນັກຮຽນທີ່ຈະເຂົ້າມາຮຽນໃນສາຂານີ້
ຕ້ອງເປັນຄົນທີ່ມີຄວາມມັກຮັກໃນການອອກແບບ,
ຂີດຂຽນ, ມີຄວາມຄິດສ້າງສັນໃນການອອກແບບຕົກແຕ່ງ, ມັກຄິດ,
ມັກສັງເກດ, ກະຕືລືລົ້ນໃນການຮຽນຮູ້, ມີຄວາມອົດທົນ ແລະ
ມີທັກສະໃນການເຮັດວຽກເປັນທີມເປັນຕົ້ນ.
ອາຊີບ
ທາງເລືອກໃນການປະກອບອາຊີບ
ແມ່ນສາມາດປະກອບອາຊີບໃນຫຼາຍຂົງເຂດກ່ຽວກັບວຽກງານການອອກແບບຕົກແຕ່ງ, ເປັນສະຖາປະນິດອອກແບບຕົກແຕ່ງພາຍໃນ ແລະ
ພາຍນອກອາຄານເຊັ່ນ: ເປັນນັກອອກແບບຕົກແຕ່ງສະຖານທີ່ໃຫ້ກັບບໍລິສັດ, ອົງການຕ່າງໆທີ່ເຮັດກ່ຽວກັບການອອກແບບ ແລະ
ຍັງສາມາດປະກອບອາຊີບເປັນນັກອອກແບບຕົກແຕ່ງອິດສະຫຼະໄດ້ອີກດ້ວຍ.
ທີ່ຕັ້ງ ແລະ ຕິດຕໍ່
ຄະນະ ສະຖາປັດຕະຍະກໍາສາດ
ວິທະຍາເຂດດົງໂດກ
ມະຫາວິທະຍາໄລແຫ່ງຊາດລາວ
ບ້ານ ດົງໂດກ, ເມືອງ ໄຊທານີ,
ນະຄອນຫຼວງວຽງຈັນ
ໂທ: 021
740276 ຫຼື 021 740277
ບໍລິການແລ່ນເອກະສານຕ່າງໆ ໃນ ສປປ.ລາວ 
