ສາຂາ ສິລະປະປັ້ນດິນເຜົາ ສະຖາບັນ ວິຈິດສິນແຫ່ງຊາດ
ສິລະປະປັ້ນດິນເຜົາ
ຫຼັກສູດ: ຊັ້ນສູງ 3 ປີ / ປະລິນຍາຕີ 5 ປີ
ສະຖາບັນ ວິຈິດສິນແຫ່ງຊາດ
ນິຍາມ ແລະ ຄວາມສຳຄັນ
ສິລະປະປັ້ນດິນເຜົາ
ໝາຍເຖິງ ກາານນໍາໃຊ້ສິລະປະເຂົ້າໃນການປັ້ນຫຼໍ່ວັດຖຸສິ່ງຂອງ
ທີ່ເປັນເຄື່ອງປັ້ນດິນເຜົາ ເຊິ່ງຂະແໜງການດັ່ງກ່າວ ແມ່ນມີຄວາມສຳຄັນ ແລະ ຄຸ້ນເຄີຍກັນດີໃນສັງຄົມລາວ
ແຕ່ອະດີດຈົນເຖິງປະຈຸບັນເຊັ່ນ: ເຄື່ອງເຄືອບ, ຖ້ວຍ-ຈານ, ໄຫໃສ່ນ້ຳ, ເຕົ້າດອກໄມ້ ແລະ ໂຄມໄຟປະດັບເປັນຕົ້ນ
ເຊິ່ງມັນໄດ້ສະແດງເຖິງ ຄວາມເປັນເອກະລັກ ແລະ ອຸດົມສົມບູນທາງດ້ານສິລະປະ ແລະ
ວັດທະນະທໍາຂອງສັງຄົມລາວ.
ວິຊານີ້ຮຽນກ່ຽວກັບຫຍັງ
ວິຊານີ້ຮຽນ ກ່ຽວກັບ
ການນໍາໃຊ້ພື້ນຖານການປັ້ນ ບວກກັບ ແນວຄວາມຄິດສ້າງສັນ ເຂົ້າໃນການ
ຜະລິດຜົນງານສິລະປະການປັ້ນດິນເຜົາ ເຊິ່ງນັກສຶກສາ ຈະໄດ້ຮຽນຮູ້ວິທີການ ແລະ
ຂະບວນການປັ້ນດ້ວຍດິນ, ການເລືອກສັນດິນ, ການອອກແບບ,
ການເຜົາ, ການເຄືອບ,
ການຂຶ້ນຮູບ, ການດັດແຕ່ງ,
ການຂຶ້ນລວດລາຍ
ແລະ ການປະກອບຊິ້ນສ່ວນຂອງຜະລິດຕະພັນ ເຄື່ອງປັ້ນດິນເຜົາ ພ້ອມທັງຮຽນຮູ້ ກ່ຽວກັບ
ທິດສະດີ ແລະ ປະຫວັດສາດ ທີ່ກ່ຽວຂ້ອງ.
ວິທີການສິດສອນ
ນັກສຶກສາ
ຈະໄດ້ຮຽນທິດສະດີໃນຫ້ອງຮຽນ ໂດຍຜ່ານການບັນຍາຍ
ຈາກອາຈານຜູ້ທີ່ມີຄວາມຊຳນານງານໃນການຜະລິດ, ຮຽນຮູ້ເຕັກນິກການສ້າງສັນຜົນງານ ໂດຍການວິເຄາະຕົວຢ່າງຜະລິດຕະພັນ
ພ້ອມກັບຮັບຟັງຄໍາແນະນໍາຈາກຄູອາ ຈານໃນການຜະລິດ,
ການນໍາໃຊ້ສູດເຄມີ
ສຳລັບ ການເຄືອບຜະລິດຕະພັນເຄື່ອງປັ້ນ ແລະ ຮຽນຮູ້
ວິທີການປັບອຸນຫະພູມທີ່ເໝາະສົມໃນການເຜົາຜົນງານ
ເຊິ່ງທັງໝົດນີ້ແມ່ນເນັ້ນໜັກພາກປະຕິບັດຕົວຈິງເປັນສ່ວນໃຫຍ່.
ທັກສະ/ຄວາມສົນໃຈ
ຄວາມຮູ້ພື້ນຖານ ດ້ານສິລະປະ ແລະ ການແຕ້ມຮູບຂັ້ນພື້ນຖານ. ເປັນຄົນ ມີຄວາມເອົາໃຈໃສ່ຕໍ່ລາຍລະອຽດ, ມີຄວາມລະອຽດອ່ອນ ແລະ ຄວາມປານີດ, ມີຄວາມອົດທົນສູງ,
ມີຈິນຕະນາການ
ແລະ ມີຄວາມຄິດສ້າງສັນ. ມີຄວາມສົນໃຈ ແລະ ມັກຮັກໃນວຽກງານການປັ້ນ.
ຈົບແລ້ວສາມາດ
ມີຄວາມຮູ້ທາງດ້ານສິລະປະການປັ້ນດິນເຜົາ, ຮູ້ນໍາໃຊ້ເຕັກນິກ ແລະ ວິທີການຕ່າງໆ
ເຂົ້າໃນການປັ້ນ, ມີຄວາມສາມາດໃນການນຳໃຊ້ເຄມີເຂົ້າໃນການເຄືອບເງົາຜົນງານ, ຮູ້ນໍາໃຊ້ແນວຄວາມຄິດສ້າງສັນ ແລະ ຈິນຕະນາການໃໝ່
ເຂົ້າໃນການຜະລິດ ແລະ ສ້າງສັນຜົນງານໃໝ່ໆອອກສູ່ສັງຄົມ.
ອາຊີບ
ເປັນຊ່າງສີມື
ດ້ານການປັ້ນດິນເຜົາ, ເປີດກິດຈະການສ່ວນຕົວ, ເປັນອາຈານສອນ ແລະ
ຍັງສາມາດເຮັດວຽກໃນອົງກອນທີ່ກ່ຽວຂ້ອງເຊັ່ນ: ບໍລິສັດຜະລິດຕະພັນວັດທະນະທຳ, ບໍລິສັດກໍ່ສ້າງ-ອອກແບບຕົກແຕ່ງ, ຫ້ອງການພາກລັດ,ໂຮງຮຽນວິຈິດສິນ ແລະ
ໂຮງຮຽນ ວິຊາຊີບຕ່າງໆ.
ທີ່ຕັ້ງ ແລະ ຕິດຕໍ່
ສະຖາບັນວິຈິດສິນແຫ່ງຊາດ
ບ້ານໂພນປ່າເປົ້າ, ເມືອງ ສີສັດຕະນາກ, ນະຄອນຫຼວງວຽງຈັນ
ໂທ: 021 314776 ຫຼື 020 98 191918
ອີເມວ: nifalaos@ymail.com
ບໍລິການແລ່ນເອກະສານຕ່າງໆ ໃນ ສປປ.ລາວ 
