ສາຂາ ຄວັດແກະ ສະຖາບັນ ວິຈິດສິນແຫ່ງຊາດ
ຄວັດແກະ
ຫຼັກສູດ: ຊັ້ນສູງ 3 ປີ / ປະລິນຍາຕີ 5 ປີ
ສະຖາບັນ ວິຈິດສິນແຫ່ງຊາດ
ນິຍາມ ແລະ ຄວາມສຳຄັນ
ສິລະປະຄວັດແກະ
ໝາຍເຖິງການ ຄວັດ, ເຈາະ, ຖາກ ແລະ ແກະ ວັດສະດຸ
ໃຫ້ມີປະໂຫຍດໃນການໃຊ້ສອຍ ຫຼື ມີຄວາມສວຍງາມ
ເຊິ່ງເປັນຂະແໜງການທີ່ມີເອກະລັກ ແລະ ໄດ້ຮັບຄວາມນິຍົມໃນສັງຄົມລາວ
ເພາະເມື່ອເວົ້າເຖິງການແກະສະຫຼັກໄມ້ແລ້ວ
ຖືວ່າເປັນວຽກງານທີ່ຕິດພັນກັບສັງຄົມລາວມາຕັ້ງແຕ່ອະດີດຈົນເຖິງປະຈຸບັນ
ທີ່ໂດດເດັ່ນກໍ່ຄື ສິລະປະການຄວັດພະພຸດທະຮູບ ແລະ ລວດລາຍຕາມວັດວາອາຮາມ, ເຟີນິເຈີ ແລະ ຮູບແກະສະຫຼັກໄມ້ຕົກແຕ່ງຕາມ
ສະຖານທີ່ຕ່າງໆ.
ວິຊານີ້ຮຽນກ່ຽວກັບຫຍັງ
ວິຊານີ້ຮຽນກ່ຽວກັບ
ຄວາມຮູ້ ແລະ ລັກສະນະຂອງວັດສະດຸຕ່າງໆ ທີ່ສາມາດນໍາມາຄວັດໄດ້ ເປັນຕົ້ນແມ່ນ
ໄມ້, ຫີນ ແລະ ວັດສະດຸອື່ນໆ; ຂັ້ນຕອນ ແລະ ວິທີການຕ່າງໆໃນການຄວັດແກະ
ໂດຍເນັ້ນການຄວັດ ໃນຮູບແບບຕ່າງໆ ຕາມຄວາມຕ້ອງການ ແລະ ຕາມແບບ ເຊັ່ນ:
ການກໍານົດຮູບແບບ ແລະ ລວດລາຍ ແລະ ການຖ່າຍແບບລວດລາຍລົງເນື້ອໄມ້; ການແກະສະຫຼັກ ແຕ່ລະປະເພດ ແລະ
ການນໍາໃຊ້ອຸປະກອນແຕ່ລະປະເພດ ໃຫ້ເໝາະສົມກັບ ວັດສະດຸ.
ວິທີການສິດສອນ
ວິທີການສິດສອນ ເລີ່ມຈາກການຮຽນທິດສະດີກ່ຽວກັບການຄວັດ
ແລະ ຮຽນຮູ້ເຕັກນິກໃນການນຳໃຊ້ເຄື່ອງມື ແລະ ອື່ນໆ
ແຕ່ຈະເນັ້ນໃສ່ການນໍາເອົາຄວາມຮູ້ເຫຼົ່ານັ້ນ ມາປະຕິບັດຕົວຈິງ ເຊັ່ນ:
ເມື່ອຈະຄວັດວັດສະດຸໃດໜຶ່ງ ໃນເບື້ອງຕົ້ນ
ອາຈານຈະມີແບບຢ່າງມາໃຫ້ນັກສຶກສາເບິ່ງ ເພື່ອຄວັດຕາມແບບ. ຫຼັງຈາກນັ້ນ
ນັກສຶກສາກໍ່ຈະໄດ້ອອກແບບ ໂຄງສ້າງ ແລະ ລວດລາຍ ໂດຍສາມາດ
ຄວັດຕາມແນວຄວາມຄິດ ຫຼື ຫົວຂໍ້ທີ່ໄດ້ກຳນົດໃຫ້.
ທັກສະ/ຄວາມສົນໃຈ
ຄວາມຮູ້ພື້ນຖານ
ສິລະປະກໍາດ້ານໃດໜຶ່ງ ຍິ່ງເປັນການດີ;
ເປັນຄົນ
ມັກຮັກໃນວຽກງານການຄວັດແກະ, ມີຄວາມອົດທົນສູງ ເພາະ
ການຄວັດແກະ ກໍ່ເປັນວິຊາທີ່ໜັກ ແລະ ໃຊ້ເວລາສົມຄວນໃນ ການຜະລິດແຕ່ລະຄັ້ງ, ມີທັກສະໃນການໃຊ້ມືໃນການປະດິດ ແລະ
ທີ່ສຳຄັນຕ້ອງມີຈິນຕະນາການ ແລະ ຄວາມຄິດສ້າງສັນ; ສົນໃຈໃນລວດລາຍໄມ້ ແລະ ຫີນແກະສະຫຼັກ.
ຈົບແລ້ວສາມາດ
ມີຄວາມຮູ້ທາງດ້ານສິລະປະການຄວັດແກະ
ໄມ້, ຫີນ ແລະ ວັດສະດຸອື່ນໆ; ຮູ້ ເຕັກນິກ ແລະ ວິທີການຕ່າງໆ ທີ່ມີຄວາມສຳຄັນ
ແລະ ກ່ຽວຂ້ອງກັບ ການຄວັດ ແລະ ວັດສະດຸຕ່າງໆທີ່ຈະໃຊ້ໃນການຄວັດ ແລະ
ສາມາດສ້າງຈິນຕະນາການໃໝ່ ໃນການສ້າງສັນງານສິລະປະ ການຄວັດໃນຫຼາຍຮູບແບບອອກສູ່ສັງຄົມ.
ອາຊີບ
ນັກສຶກສາສາມາດປະກອບອາຊີບ
ເປັນຊ່າງສິລະປະຄວັດແກະໄມ້, ຫີນ ແລະ ວັດສະດຸອື່ນໆ; ເປັນອາຈານສອນ
ເຊິ່ງສາມາດເຮັດວຽກໃນອົງກອນທີ່ກ່ຽວຂ້ອງເຊັ່ນ: ບໍລິສັດ ຜະລິດຕະພັນວັດທະນະທຳ, ບໍລິສັດເຟີນິເຈີ, ບໍລິສັດກໍ່ສ້າງ-ອອກແບບຕົບແຕ່ງ,
ໂຮງຮຽນວິຈິດສິນ
ແລະ ໂຮງຮຽນ ວິຊາຊີບ ແລະ ສາມາດ ເປີດກິດຈະການສ່ວນຕົວ ອີກດ້ວຍ.
ທີ່ຕັ້ງ ແລະ ຕິດຕໍ່
ສະຖາບັນວິຈິດສິນແຫ່ງຊາດ
ບ້ານໂພນປ່າເປົ້າ, ເມືອງ ສີສັດຕະນາກ, ນະຄອນຫຼວງວຽງຈັນ
ໂທ: 021 314776 ຫຼື 020 98 191918
ອີເມວ: nifalaos@ymail.com
ບໍລິການແລ່ນເອກະສານຕ່າງໆ ໃນ ສປປ.ລາວ 
