ສາຂາ ການເງິນ ແລະ ການທະນາຄານ ຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດລາວ
ການເງິນ ແລະ ການທະນາຄານ
ຫຼັກສູດ: ປະລິນຍາຕີ 4 ປີ
ຄະນະເສດຖະສາດ ແລະ ບໍລິຫານທຸລະກິດ
ມະຫາວິທະຍາໄລແຫ່ງຊາດລາວ
ນິຍາມ
ແລະ ຄວາມສຳຄັນ
ສາຂາການເງິນ ແລະ ການທະນາຄານ ເປັນສາຂາທີ່ສຶກສາກ່ຽວກັບການຈັດຫາ, ຄຸ້ມຄອງ,
ບໍລິຫານ
ແລະ ວາງແຜນນໍາໃຊ້ເງິນທຶນ ເພື່ອການລົງທຶນໃນກິດຈະການໃດໜຶ່ງເພື່ອໃຫ້ເກີດປະໂຫຍດສູງສຸດ.
ສາຂານີ້ມີຄວາມສໍາຄັນ ຕໍ່ກັບປະເທດເຮົາໃນປັດຈຸບັນ ທີ່ມີການຂະຫຍາຍຕົວຂອງສະພາບເສດຖະກິດ
ເຮັດໃຫ້ລະບົບການເງິນ ແລະ ການທະນາຄານ ໄດ້ເຂົ້າມາມີບົດບາດໃນການສະໜອງທຶນ ແລະ
ຊ່ວຍຊຸກຍູ້ການລົງທຶນຈາກພາຍໃນ ແລະ ຕ່າງປະເທດ ກໍ່ຄືການພັດທະນາເສດຖະກິດໂດຍລວມ.
ວິຊານີ້ຮຽນກ່ຽວກັບຫຍັງ
ສາຂານີ້ຮຽນກ່ຽວກັບການເງິນ ແລະ ການທະນາຄານ ເຊິ່ງມີເນື້ອໃນກວມເອົາ
ຫຼັກການໃນການຄຸ້ມຄອງ-ບໍລິຫານທຸລະກິດ,
ການເງິນ, ຕະຫຼາດການເງິນ ພ້ອມທັງບົດບາດ ແລະ ໜ້າທີ່ຂອງທະນາຄານ.
ນອກນັ້ນ, ຍັງໄດ້ຮຽນກ່ຽວກັບການວິເຄາະການເງິນ, ການວາງແຜນການເງິນ, ການຈັດຫາເງິນເພື່ອມາປະກອບເປັນທຶນ,
ການນຳໃຊ້ເງິນທຶນເພື່ອການລົງທຶນໃຫ້ເກີດປະໂຫຍດສູງສຸດ
ແລະ ຕະຫຼາດຫຼັກຊັບ ເຊັ່ນ: ວິທີການໃນການຊື້-ຂາຍຫຼັກຊັບ ແລະ
ການວິເຄາະການລົງທຶນໃນຫຼັກຊັບ.
ວິທີການສິດສອນ
ປະກອບມີການຮຽນກ່ຽວກັບທິດສະດີໂດຍຜ່ານການບັນຍາຍ ພ້ອມທັງມີການນຳໃຊ້ກໍລະນີສຶກສາທັງຈາກພາຍໃນ
ແລະ ປະເທດອ້ອມຂ້າງ ເພື່ອປຽບທຽບກັບທິດສະດີ ໂດຍນັກສຶກສາຈະໄດ້ມີການສົນທະນາກຸ່ມ ແລະ
ແລກປ່ຽນຄຳເຫັນ. ນອກນີ້, ຍັງມີພາກປະຕິບັດຕົວຈິງ
ເຊິ່ງນັກສຶກສາຈະໄດ້ໄປເກັບຂໍ້ມູນເພື່ອເຮັດບົດລາຍງານ ແລະ ນຳສະເໜີ, ມີການລົງຝຶກງານ ກັບທະນາຄານ ແລະ ສະຖາບັນການເງິນອື່ນໆ ເຊັ່ນ:
ບໍລິສັດເງິນທຶນ, ບໍລິສັດປະກັນໄພ ແລະ
ບໍລິສັດທີ່ປຶກສາທາງດ້ານການເງິນ.
ທັກສະ/ຄວາມສົນໃຈ
ຄວາມຮູ້ພື້ນຖານວິຊາຄະນິດສາດ ແລະ ສະຖິຕິ; ເປັນຄົນ ມີໄຫວພິບໃນການແກ້ໄຂບັນຫາ, ສາມາດວິເຄາະຢ່າງມີເຫດຜົນ ແລະ
ສາມາດປັບຕົວເຂົ້າກັບສະຖານະການທາງເສດຖະກິດ,
ສັງຄົມ
ແລະ ການເມືອງໄດ້ດີ; ແລະ ຄວນມີຄວາມສົນໃຈໃນວຽກງານຄຸ້ມຄອງການເງິນ, ການທະນາຄານ,
ສະຖາບັນການເງິນ
ແລະ ການລົງທຶນໃນຫຼັກຊັບທາງການເງິນຕ່າງໆ.
ຈົບແລ້ວສາມາດ
ມີຄວາມຮູ້ ແລະ ທັກສະໃນການຄຸ້ມຄອງການເງິນພາກລັດ, ການເງິນທຸລະກິດ ແລະ ການຄຸ້ມຄອງ-ບໍລິຫານ ສະຖາບັນການເງິນຕ່າງໆ ເຊັ່ນ:
ທະນາຄານກາງ, ທະນາຄານທຸລະກິດ, ຕະຫຼາດຫຼັກຊັບ,
ບໍລິສັດຫຼັກຊັບ, ບໍລິສັດປະກັນໄພ ແລະ ອື່ນໆ. ນອກນີ້
ຍັງມີທັກສະໃນການວິເຄາະການເງິນ, ວິເຄາະຫຼັກຊັບ ແລະ
ການລົງທຶນໃນຫຼັກຊັບ ແລະ ການເຮັດບົດວິພາກເສດຖະກິດ.
ອາຊີບ
ນັກສຶກສາສາມາດປະກອບອາຊີບທີ່ກ່ຽວຂ້ອງກັບການເງິນ ເຊັ່ນ: ນັກວິເຄາະການເງິນ, ນັກວິເຄາະການລົງທຶນ, ນັກບໍລິຫານສິນເຊື່ອ ໂດຍສາມາດເຮັດວຽກທີ່ທະນາຄານກາງ, ທະນາຄານທຸລະກິດ,
ກົມກອງຕ່າງໆ
ໃນກະຊວງການເງິນ, ກະຊວງແຜນການ ແລະ
ການລົງທຶນ, ບໍລິສັດຫຼັກຊັບ, ບໍລິສັດກວດສອບບັນຊີ, ບໍລິສັດປະກັນໄພ ແລະ ອົງການທາງການເງິນຕ່າງໆ.
ທີ່ຕັ້ງ ແລະ ຕິດຕໍ່
ຄະນະເສດຖະສາດ ແລະ ບໍລິຫານທຸລະກິດ
ວິທະຍາເຂດດົງໂດກ ມະຫາວິທະຍາໄລແຫ່ງຊາດລາວ
ບ້ານ ດົງໂດກ, ເມືອງ ໄຊທານີ, ນະຄອນຫຼວງວຽງຈັນ.
ໂທ: 021 77006
ເວັບໄຊ໌ www.febm-nuol.org
ແຫຼ່ງຂໍ້ມູນ: https://collegemajor.la/
ບໍລິການແລ່ນເອກະສານຕ່າງໆ ໃນ ສປປ.ລາວ 
