ສາຂາ ສິລະປະໂລຫະ ສະຖາບັນ ວິຈິດສິນແຫ່ງຊາດ
ສິລະປະໂລຫະ
ຫຼັກສູດ: ຊັ້ນສູງ 3 ປີ / ປະລິນຍາຕີ 5 ປີ
ສະຖາບັນ ວິຈິດສິນແຫ່ງຊາດ
ນິຍາມ ແລະ ຄວາມສຳຄັນ
ສິລະປະໂລຫະ ໝາຍເຖິງ
ການສ້າງສັນຜົນງານສິລະປະ ສີໄມ້ລາຍມືດ້ວຍໂລຫະຊະນິດຕ່າງໆເຊັ່ນ: ຄຳ, ເງິນ,
ທອງ
ເປັນຕົ້ນ. ວິຊານີ້ມີຄວາມສຳຄັນເນື່ອງຈາກເປັນສາຂາສິລະປະທີ່ມີຊື່ສຽງຂອງລາວ
ເຊິ່ງໃນເມື່ຶອກ່ອນການຜະລິດເຄື່ອງໂລຫະ
ແມ່ນເນັ້ນໃສ່ເຄື່ອງປະດັບຊະນິດຕ່າງໆທີ່ໄດ້ມີການສືບທອດກັນຈາກຮຸ່ນສູ່ຮຸ່ນ
ແຕ່ປະຈຸບັນການຮຽນສິລະປະໂລຫະ ແມ່ນມີຄວາມຫຼາກຫຼາຍກວ່າເກົ່າ ອັນລວມໄປເຖິງ ການສ້າງ
ແລະ ຫຼໍ່ອານຸສາວະລີ ອານຸສອນສະຖານຕ່າງໆອີກດ້ວຍ.
ວິຊານີ້ຮຽນກ່ຽວກັບຫຍັງ
ວິຊານີ້ຮຽນກ່ຽວກັບ
ການອອກແບບ ແລະ ການຜະລິດຜົນງານສິລະປະໂລຫະ ປະເພດເຄື່ອງປະດັບ ແລະ ເຄື່ອງໃຊ້ຕ່າງໆ
ເຊັ່ນ: ສາຍຄໍ, ປອກແຂນ, ໂອ, ຂັນ, ຮາວທຽນ,
ງ້າວ, ດາບ ເຊິ່ງໃນນັ້ນລວມມີຕັ້ງແຕ່ການຮຽນກ່ຽວກັບການອອກແບບລວດລາຍ
ແລະ ການສ້າງສິລະປະໂລຫະດ້ວຍວິທີພື້ນເມືອງເຊັ່ນ: ການແກະສະຫຼັກ, ການຕີ,
ການຫຼໍ່
ແລະ ການໃຊ້ເຕັກໂນໂລຊີສະໄໝໃໝ່ເຊັ່ນ ການດັດ,
ການເຄືອບໂລຫະດ້ວຍນໍ້າຢາ, ການຈອດ ແລະ ການສ້າງຮູບຫຼໍ່ໂລຫະ ເປັນຕົ້ນ.
ວິທີການສິດສອນ
ນັກສຶກສາຈະໄດ້ຮຽນທິດສະດີໃນຫ້ອງຮຽນ
ແລ້ວນຳໃຊ້ສິ່ງທີ່ຮຽນມາ ໃຊ້ອ້າງອີງໃນການປະຕິບັດຕົວຈິງໃນຫ້ອງສິນ ເຊັ່ນ:
ການສຶກສາຕົວຢ່າງເຄື່ຶອງໃຊ້ ແລະ ເຄື່ອງປະດັບໂລຫະ
ເພື່ອມາສຶກສາຮູບແບບແລ້ວສ້າງຄືນຕາມແບບເກົ່າ ຫຼື
ອອກແບບລວດລາຍຂຶ້ນໃໝ່ຕາມຄວາມຄິດສ້າງສັນ,
ຍຸກສະໄໝ
ແລະ ຄວາມເໝາະສົມ. ຫຼັງຈາກນັກສຶກສາສໍາເລັດການສ້າງຜົນງານແລ້ວ, ນັກສຶກສາ ຈະໄດ້ມີການນຳສະເໜີຜົນງານຂອງຕົນໃຫ້ແກ່ອາຈານ.
ທັກສະ/ຄວາມສົນໃຈ
ຄວາມຮູ້ພື້ນຖານ ດ້ານສີລະປະ. ມີຄວາມສົນໃຈ ພິເສດໃນວຽກງານການອະນຸລັກ
ພູມປັນຍາສິລະປະ. ມີຄວາມມັກຮັກ ໃນງານສິລະປະ ແລະ
ງານສີມື. ເປັນຄົນ ມີຄວາມອົດທົນ, ລະອຽດອ່ອນ ແລະ ມີຄວາມຕັ້ງໃຈສູງ ເພາະຕ້ອງໃຊ້ເວລາໃນການສ້າງສັນຜົນງານ.
ຈົບແລ້ວສາມາດ
ມີຄວາມຮູ້ທາງດ້ານສິລະປະ
ແລະ ວຽກງານສີມື ຫັດຖະກໍາ; ສາມາດອອກແບບ, ສ້າງສັນຜະລິດຕະພັນ ແລະ ສິລະປະ ຈາກໂລຫະ ແລະ ຍັງສາມາດ
ນໍາໃຊ້ທັກສະດ້ານຊ່າງໂລຫະ (ການແກະສະຫຼັກ,
ການຕີ, ການຫຼໍ່) ເຂົ້າໃນການປະກອບອາຊີບໄດ້.
ອາຊີບ
ເປັນຊ່າງສີມືດ້ານການອອກແບບເຄື່ອງໂລຫະ
ແລະ ປະດິດເຄື່ອງປະດັບແບບຕ່າງໆ, ເປັນອາຈານສອນ
ເຊິ່ງສາມາດເຮັດວຽກໃນອົງກອນທີ່ກ່ຽວຂ້ອງເຊັ່ນ: ບໍລິສັດກໍ່ສ້າງ, ອອກແບບ ແລະ ຕົກແຕ່ງໂຮງຮຽນວິຊາຊີບ ຫຼື ໂຮງຮຽນວິຈິດສິນ
ແລະ ສູນຫັດຖະກໍາ ຫຼື ສູນສົ່ງເສີມສີມືແຮງງານ.
ທີ່ຕັ້ງ ແລະ ຕິດຕໍ່
ສະຖາບັນວິຈິດສິນແຫ່ງຊາດ
ບ້ານໂພນປ່າເປົ້າ, ເມືອງ ສີສັດຕະນາກ, ນະຄອນຫຼວງວຽງຈັນ
ໂທ: 021 314776 ຫຼື 020 98 191918
ອີເມວ: nifalaos@ymail.com
ແຫຼ່ງຂໍ້ມູນ: https://collegemajor.la/
ບໍລິການແລ່ນເອກະສານຕ່າງໆ ໃນ ສປປ.ລາວ 
