ສາຂາ ຄຸຄະນິດສາດ ຄະນະສຶກສາສາດ ມະຫາວິທະຍາໄລແຫ່ງຊາດລາວ
ຄຸຄະນິດສາດ
ຫຼັກສູດ ປະລິນຍາຕີ 4 ປີ
ຄະນະສຶກສາສາດ
ມະຫາວິທະຍາໄລແຫ່ງຊາດລາວ
ນິຍາມ
ແລະ ຄວາມສຳຄັນ
ຄູຄະນິດສາດ ແມ່ນໝາຍເຖິງບຸກຄົນທີ່ສິດສອນຄວາມຮູ້ດ້ານຄະນິດສາດ
ເຊິ່ງສາຂາດັ່ງກ່າວແມ່ນສ້າງເພື່ອໄປສອນ ວິຊາຄະນິດສາດໃນຊັ້ນມັດທະຍົມທັງຕອນຕົ້ນ ແລະ
ຕອນປາຍ ອັນເປັນໜຶ່ງໃນວຽກງານກໍ່ສ້າງບຸກຄະລາກອນ ແລະ ນັກວິຊາການ
ເພື່ອຕອບສະໜອງໃຫ້ແກ່ວຽກງານການສຶກສາໃນລະດັບສາມັນ. ຄູຄະນິດສາດ
ແມ່ນບຸກຄະລາກອນທີ່ສໍາຄັນກຸ່ມໜຶ່ງໃນວຽກງານການສຶກສາ ເພາະຄະນິດສາດ
ແມ່ນເປັນວິຊາຫຼັກທີ່ສໍາຄັນວິຊາໜຶ່ງໃນຫຼັກສູດຊັ້ນມັດທະຍົມສຶກສາ ຫຼື
ຫຼັກສູດລະດັບສາມັນ.
ວິຊານີ້ຮຽນກ່ຽວກັບຫຍັງ
ວິຊານີ້ແມ່ນຮຽນ ກ່ຽວກັບ ອົງຄວາມຮູ້ໃນ 2
ໝວດວິຊາຫຼັກຄື:
ໝວດວິຊາຄວາມຮູ້ພື້ນຖານວິຊາສະເພາະ (ວິຊາຄູ) ແລະ ໝວດວິຊາສະເພາະ (ຄະນິດສາດ).
ນອກຈາກນີ້, ນັກສຶກສາຍັງຈະໄດ້ຮຽນ
ກ່ຽວກັບ ໝວດວິຊາຄວາມຮູ້ທົ່ວໄປຈໍານວນໜຶ່ງ ແລະ ວິຊາທີ່ລົງເລິກ ໝາຍຄວາມວ່າ
ນັກສຶກສາຈະໄດ້ຮຽນລົງເລິກຄວາມຮູ້ດ້ານຄະນິດສາດ,
ວິທະຍາສາດການສຶກສາ
ແລະ ວິທີການສິດສອນຄະນິດສາດ.
ວິທີການສິດສອນ
ນັກສຶກສາຈະຕ້ອງຜ່ານທຸກໆວິຊາທີ່ບັນຈຸຢູ່ໃນຫຼັກສູດການຮຽນການສອນ, ລົງຝຶກຫັດສອນຕົວຈິງ ແລະ ຂຽນບົດ (ຫຼື ສອບເສັງ)
ຈົບຊັ້ນ. ການຮຽນການສອນໃນແຕ່ລະວິຊາ ຈະດໍາເນີນໄປໃນໄລຍະ 1 ພາກຮຽນ (ປະກອບມີທັງໝົດ 16 ອາທິດ) ຊຶ່ງຮູບແບບການຮຽນການສອນແມ່ນປະກອບມີ ການບັນຍາຍ, ການປະຕິບັດຕົວຈິງ, ການໃຫ້ວຽກມອບໝາຍ, ຂຽນບົດລາຍງານ ແລະ
ການນໍາສະເໜີຜົນງານ (ທັງເປັນກຸ່ມ ແລະ ເປັນບຸກຄົນ).
ທັກສະ/ຄວາມສົນໃຈ
ມີຄວາມຮູ້ ດ້ານຄະນິດສາດພື້ນຖານ ແລະ ພາສາອັງກິດ; ມີທັກສະ ໃນການຄິດໄລ່ຂ້ອນຂ້າງດີ. ເປັນຄົນມີຄວາມສົນໃຈໃນການສອນ, ມີຄວາມທະນັດໃນວິຊາຄະນິດສາດ; ມີຄວາມສົນໃຈໃນວິທະຍາສາດ ແລະ
ເຕັກໂນໂລຊີ (ໂດຍສະເພາະແມ່ນຄອມພິວເຕີ) ແລະ ມີສຸຂະພາບດີ.
ຈົບແລ້ວສາມາດ
ສາມາດສອນຄະນິດສາດໃນຊັ້ນມັດທະຍົມສຶກສາ;
ຈັດສັນສິ່ງແວດລ້ອມທີ່ແທດເໝາະກັບຈິດຕະສາດການສຶກສາ; ຊຸກຍູ້ຂະບວນການຮຽນການສອນ; ວິເຄາະ ແລະ
ພັດທະນາຫຼັກສູດຄະນິດສາດຂັ້ນພື້ນຖານໃຫ້ແທດເໝາະກັບລະບົບການສຶກສາ; ຄົ້ນຄວ້າວິເຄາະຢ່າງມີໂລຊິກ ແລະ ມີເຫດຜົນ; ແລະ ສາມາດເຊື່ອມໂຍງ ແລະ
ນໍາໃຊ້ຄະນິດສາດເຂົ້າໃນຊີວິດປະຈໍາວັນ.
ອາຊີບ
ເປັນຄູສອນຄະນິດສາດໃນຊັ້ນມັດທະຍົມ ຫຼື ທຽບເທົ່າ (ວິຊາຊີບຊັ້ນຕົ້ນ, ກາງ ແລະ ສູງ);
ເປັນພະນັກງານສຶກສາ
ໃນລະດັບຂັ້ນຕ່າງໆ ຕາມກົມກອງ ຫຼື ສະຖາບັນການສຶກສາທີ່ກ່ຽວຂ້ອງ; ແລະ ເປັນພະນັກງານໃນພະແນກບັນຊີ, ການເງິນ ຫຼື ພະແນກທີ່ກ່ຽວຂ້ອງ ໃນຂົງເຂດວິທະຍາສາດ ແລະ
ເຕັກໂນໂລຊີ.
ທີ່ຕັ້ງ ແລະ ຕິດຕໍ່
ຄະນະສຶກສາສາດ
ວິທະຍາເຂດດົງໂດກ, ມະຫາວິທະຍາໄລແຫ່ງຊາດລາວ
ບ້ານ ດົງໂດກ, ເມືອງ ໄຊທານີ, ນະຄອນຫຼວງວຽງຈັນ
ໂທ: 021 770473
ບໍລິການແລ່ນເອກະສານຕ່າງໆ ໃນ ສປປ.ລາວ 
