ສາຂາ ເຕັກໂນໂລຊີ ຊີວະພາບ ຄະນະວິທະຍາສາດທຳມະຊາດ ມະຫາວິທະຍາໄລແຫ່ງຊາດລາວ

ເຕັກໂນໂລຊີ ຊີວະພາບ

ຫຼັກສູດ: ປະລິນຍາຕີ 4 ປີ

ຄະນະວິທະຍາສາດທຳມະຊາດ, ມະຫາວິທະຍາໄລແຫ່ງຊາດລາວ

ນິຍາມ ແລະ ຄວາມສຳຄັນ

ເຕັກໂນໂລຊີຊີວະພາບ ໝາຍເຖິງວິທີການທາງວິທະຍາສາດໃນການນຳສິ່ງທີ່ມີຊີວິດ ຫຼື ຜົນຜະລິດຈາກ ສິ່ງທີ່ມີຊີວິດ ມາໃຊ້ ໃຫ້ເກີດປະໂຫຍດ ເຊັ່ນ: ການຂະຫຍາຍ ແລະ ປັບປຸງພັນພືດ ແລະ ສັດ, ຜະລິດອາຫານ ແລະ ຢາ, ແປຮູບຜະລິດຕະພັນ ແລະ  ຮັກສາສິ່ງແວດລ້ອມ ເຊິ່ງມີຄວາມສໍາຄັນເນື່ອງຈາກ ມັນສາມາດນໍາໃຊ້ເຂົ້າໃນການເພີ່ມປະສິດທິພາບໃນການຜະລິດ ເຊັ່ນ: ຜະລິດອາຫານທີ່ມີຄຸນຄ່າທາງໂພຊະນາການ, ຫຼຸດຜ່ອນການນຳໃຊ້ສານເຄມີ ເພື່ອເຮັດໃຫ້ຄຸນນະພາບຊີວິດ ດີຂຶ້ນ.

ວິຊານີ້ຮຽນກ່ຽວກັບຫຍັງ

ສາຂານີ້ຮຽນປະສົມປະສານກັນລະຫວ່າງຊີວະສາດ ກັບ ເຄມີສາດ ເຊັ່ນ: ສຶກສາກ່ຽວກັບໂຄງສ້າງ ແລະ ການຈໍາແນກ ປະ ເພດພືດ ແລະ ສັດ, ປະຕິກິລິຍາເຄມີໃນອາຫານ, ຄຸນລັກສະນະຂອງທາດຕ່າງໆທີ່ເປັນສ່ວນປະກອບ ໃນການແປຮູບອາຫານ; ເຕັກໂນໂລຊີໃນການຜະລິດ ເຊັ່ນ: ການແປຮູບອາຫານດ້ວຍການໝັກ, ການຕາກແຫ້ງ, ການນໍາໃຊ້ຈຸລະຊີບ ເຂົ້າໃນ ອຸດສາ ຫະກໍາອາຫານ, ການກະເສດ, ການແພດ, ການເພາະລ້ຽງແພຈຸລັງເພື່ອການຂະຫຍາຍ, ປັບປຸງ ແລະ ເກັບຮັກສາ ພັນພືດ.

ວິທີການສິດສອນ

ນັກສຶກສາຈະໄດ້ຮຽນທິດສະດີ ແລະ ປະຕິບັດຕົວຈິງ ເຊັ່ນ: ຝຶກທົດລອງແປຮູບຜະລິດຕະພັນໝາກໄມ້ແຫ້ງ, ວິເຄາະໂຄງ ສ້າງພືດ ແລະ ສັດ. ນັກສຶກສາຍັງຈະໄດ້ໄປທັດສະນະສຶກສາໃນຫົວໜ່ວຍການຜະລິດເຄື່ອງບໍລິໂພກຕ່າງໆ, ລົງຝຶກງານໃນ ໜ່ວຍງານທີ່ກ່ຽວຂ້ອງ ແລະ ເຂົ້າຮ່ວມໃນການລົງເກັບກໍາຂໍ້ມູນ ເຊັ່ນ: ເກັບຕົວຢ່າງນໍ້າ, ພືດ, ແລະ ສັດ ເພື່ອເອົານໍາມາ ວິເຄາະຕົວຈິງ ໂດຍນັກສຶກສາ ສາມາດນໍາເອົາຂໍ້ມູນເຫຼົ່ານັ້ນມາໃຊ້ເຂົ້າໃນການຂຽນບົດລາຍງານ ແລະ ບົດໂຄງການຈົບຊັ້ນ.

ທັກສະ/ຄວາມສົນໃຈ

ມີຄວາມຮູ້ພື້ນຖານ ທາງດ້ານວິຊາວິທະຍາສາດທຳມະຊາດ ໂດຍສະເພາະດ້ານຊີວະວິທະຍາ ແລະ ເຄມີສາດ. ເປັນຄົນ ມີແນວຄິດສ້າງສັນ ຢາກເຮັດສິ່ງໃໝ່ໆ. ມີຄວາມສົນໃຈ ໃນການຜະລິດ, ມັກສັງເກດສິ່ງອ້ອມຂ້າງເພື່ອມາຈໍາແນກ ວ່າສິ່ງໃດ ຈະເປັນປະໂຫຍດ ເພື່ອນຳມາຜັນຂະຫຍາຍ ແລະ ນຳໃຊ້ເຂົ້າໃນວຽກງານທີ່ກ່ຽວຂ້ອງ.

ຈົບແລ້ວສາມາດ

ຮູ້ວິທີໃນການເກັບຮັກສາຜະລິດຕະພັນພືດ ແລະ ສັດ, ສາມາດປະເມີນຄຸນນະພາບຂອງອາຫານ, ສາມາດເຮັດ ການທົດລອງ ແລະ ນໍາໃຊ້ເຄື່ອງມືທົດລອງທາງຊີວະສາດ; ສາມາດແປຮູບອາຫານດ້ວຍເຕັກໂນໂລຊີຕ່າງໆ ເຊັ່ນ: ການໝັກ ດ້ວຍເກືອ, ການຕາກແຫ້ງ ​ແລະ ການນໍາໃຊ້ຈຸລະຊີບ.

ອາຊີບ

ເປັນນັກວິຊາການໃນຫົວໜ່ວຍການຜະລິດ, ນັກພັດທະນາພັນພືດ ແລະ ສັດ, ເຮັດວຽກໃນຂົງເຂດກະສິກຳ ແລະ ການອະນຸ ລັກສິ່ງແວດລ້ອມ ເຊັ່ນ: ໂຮງງານຜະລິດ ແລະ ແປຮູບເຄື່ອງອຸປະໂພກ-ບໍລິໂພກ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງວິທະຍາສາດ ແລະ ເຕັກໂນໂລຊີ, ອົງການອະນູລັກສັດປ່າ, ສູນນິເວດວິທະຍາ, ສູນປາບສັດຕູພືດ.

ທີ່ຕັ້ງ ແລະ ຕິດຕໍ່

ສະຖາບັນທ່ອງທ່ຽວ ແລະ ການໂຮງແຮມແຫ່ງຊາດລາວ (LANITH)

ວິທະຍາເຂດ ວິທະຍາໄລເຕັກນິກປາກປ່າສັກ

ບ້ານ ສີຖານເໜືອ, ເມືືອງ ສີໂຄດຕະບອງ, ນະຄອນຫຼວງວຽງຈັນ

ຕູ້ ປ.ນ 2098. ໂທ: 021 263172

ແຫຼ່ງຂໍ້ມູນ:​ https://collegemajor.la/