ສາຂາ ສ້າງຄູພູມີສາດ ຄະນະສຶກສາສາດ ມະຫາວິທະຍາໄລແຫ່ງຊາດລາວ
ສ້າງຄູພູມີສາດ
ຫຼັກສູດ ປະລິນຍາຕີ 4 ປີ
ຄະນະສຶກສາສາດ
ມະຫາວິທະຍາໄລແຫ່ງຊາດລາວ
ນິຍາມ
ແລະ ຄວາມສຳຄັນ
ສາຂາສ້າງຄູພູມີສາດ ໝາຍເຖິງການສຶກສາປະສົມປະສານກັນລະຫວ່າງພື້ນຖານທາງດ້ານພູມີສາດ
ແລະ ສຶກສາສາດ ເຊີ່ງມີຈຸດປະສົງ ເພື່ອໃຫ້ເຂົ້າໃຈຫຼັກການ ແລະ
ທິດສະດີການສິດສອນທາງດ້ານພູມີສາດ. ສາຂານີ້ມີຄວາມສໍາຄັນ
ໃນການສ້າງຄູທີ່ມີຄວາມເຂົ້າໃຈເລິກເຊິ່ງກ່ຽວກັບພູມີສາດ ແລະ
ສາມາດຖ່າຍທອດຄວາມຮູ້ໃຫ້ແກ່ນັກຮຽນ
ອັນເປັນພື້ນຖານອັນຕົ້ນຕໍໃນການສ້າງລະບົບການສຶກສາທີ່ມີປະສິດທິພາບ
ເຊິ່ງຈະຊ່ວຍໃນການພັດທະນາເສດຖະກິດ-ສັງຄົມໃຫ້ມີຄວາມຈະເລີນກ້າວໜ້າ.
ວິຊານີ້ຮຽນກ່ຽວກັບຫຍັງ
ສາຂານີ້ຮຽນກ່ຽວກັບ ລັກສະນະທາງພູມີສາດ ຂອງທະວີບ ແລະ ພາກພື້ນຕ່າງໆໃນໂລກ, ໃນນັ້ນຈະໄດ້ສຶກສາກ່ຽວກັບ
ລັກສະນະທາງກາຍະພາບຂອງພື້ນທີ່, ພູມີອາກາດ, ໂຄງສ້າງປະຊາກອນ,
ສະພາບທາງດ້ານເສດຖະກິດ, ສັງຄົມ,
ການເມືອງ
ແລະ ວັດທະນະທໍາ. ນອກນີ້, ຍັງໄດ້ສຶກສາກ່ຽວກັບທັກສະການສອນ
ເຊັ່ນ: ການວາງແຜນການສອນ, ວິທີການສິດສອນ, ໂຄງສ້າງ ແລະ ອົງປະກອບຂອງຫຼັກສູດການຮຽນ-ການສອນ, ການສ້າງ ແລະ ພັດທະນາຫຼັກສຸດ ເປັນຕົ້ນ.
ວິທີການສິດສອນ
ການສິດສອນແມ່ນເນັ້ນໜັກໃສ່ການຮຽນຮູ້ທາງດ້ານທິດສະດີ
ຜ່ານການບັນຍາຍພາຍໃນຫ້ອງຮຽນເປັນຫຼັກ. ນອກນີ້
ນັກສຶກສາຈະໄດ້ຮຽນຮູ້ໃນຮູບແບບການປະຕິບັດຕົວຈິງ ເຊັ່ນ:
ການສ້າງສື່ການສອນທາງດ້ານພູມີສາດ (ຝຶກແຕ້ມແຜນທີ່) ແລະ ຝຶກທັກສະການສອນອື່ນໆ ເຊັ່ນ:
ການວາງແຜນການສອນ, ການກຽມການສອນ, ການຝຶກສອນ ທີ່ໂຮງຮຽນສາມັນແຫ່ງຕ່າງໆ
ເຊິ່ງນັກສຶກສາຈະໄດ້ມີການຖອດຖອນບົດຮຽນ ແລະ
ແລກປ່ຽນປະສົບການເພື່ອພັດທະນາທັກສະການສອນໃຫ້ດີຂຶ້ນ.
ທັກສະ/ຄວາມສົນໃຈ
ຄວາມຮູ້ພື້ນຖານ ທາງດ້ານວິຊາ ພູມີສາດ, ປະຫວັດສາດ ແລະ
ສຶກສາພົນລະເມືອງ.
ມີຄວາມສົນໃຈໃນການຮຽນຮູ້ກ່ຽວກັບຈຸດພິເສດທາງດ້ານພູມີສາດຂອງພື້ນທີ່ຕ່າງໆໃນໂລກ.
ນອກຈາກນີ້ ຄວນເປັນຄົນທີ່ກ້າສະແດງອອກ,
ມີພາວະຄວາມເປັນຜູ້ນໍາ, ມີຄວາມມັກຮັກໃນອາຊີບຄູ ແລະ
ມີຄວາມສົນໃຈຢາກພັດທະນາລະບົບການສຶກສາໃຫ້ມີຄວາມຈະເລີນກ້າວໜ້າ.
ຈົບແລ້ວສາມາດ
ນັກສຶກສາທີ່ຈົບຈາກສາຂານີ້ ຈະມີຄວາມຮູ້ ແລະ ຄວາມເຂົ້າໃຈທາງດ້ານພູມີສາດ; ມີຄວາມສາມາດ ແລະ ຄວາມຊໍານານໃນການສິດສອນ ແລະ
ຖ່າຍທອດຄວາມຮູ້ດັ່ງກ່າວໃຫ້ແກ່ນັກຮຽນ ໂດຍສະເພາະໃນຊັ້ນມັດທະຍົມຕອນປາຍ; ແລະ ມີທັກສະໃນການວາງແຜນການສິດສອນ, ສ້າງຫຼັກສູດ ແລະ
ສ້າງສື່ການຮຽນ-ການສອນທີ່ແທດເໝາະກັບນັກຮຽນໃນແຕ່ລະໄວ.
ອາຊີບ
ນັກສຶກສາສາມາດປະກອບອາຊີບ ເປັນຄູສອນວິຊາພູມີສາດໃນຊັ້ນມັດທະຍົມສຶກສາ. ນອກຈາກນີ້, ຍັງສາມາດເປັນນັກວິຊາ ການໃນການພັດທະນາການສຶກສາ
ໃນອົງການທີ່ກ່ຽວຂ້ອງໃນຂັ້ນສູນກາງ ແລະ ຂັ້ນທ້ອງຖິ່ນຕ່າງໆ ເຊັ່ນ: ກະຊວງສຶກສາທິການ
ແລະ ກິລາ, ພະແນກ ແລະ ຫ້ອງການສຶກສາ ແລະ ກິລາ ຂັ້ນແຂວງ ແລະ ເມືອງ
ເປັນຕົ້ນ.
ທີ່ຕັ້ງ ແລະ ຕິດຕໍ່
ຄະນະສຶກສາສາດ
ວິທະຍາເຂດດົງໂດກ, ມະຫາວິທະຍາໄລແຫ່ງຊາດລາວ
ບ້ານ ດົງໂດກ, ເມືອງ ໄຊທານີ, ນະຄອນຫຼວງວຽງຈັນ
ໂທ: 021 770473
ບໍລິການແລ່ນເອກະສານຕ່າງໆ ໃນ ສປປ.ລາວ 
