ສາຂາ ວິສະວະກຳບໍ່ແຮ່ ຄະນະວິສະວະກຳສາດ ມະຫາວິທະຍາໄລແຫ່ງຊາດ
ວິສະວະກຳບໍ່ແຮ່
ຫຼັກສູດ: ປະລິນຍາຕີ 4 ປີ
ຄະນະວິສະວະກຳສາດ
ມະຫາວິທະຍາໄລແຫ່ງຊາດ
ນິຍາມ ແລະ ຄວາມສຳຄັນ
ວິສະວະກຳບໍ່ແຮ່ ເປັນການນໍາໃຊ້ຄວາມຮູ້ທາງວິສະວະກໍາ
ເຂົ້າໃນການນຳເອົາແຮ່ ແລະ ຊັບພະຍາກອນທໍລະນີ ເຊັ່ນ: ຫີນ, ວັດສະດຸ, ຊາຍ, ຄຳ, ທອງແດງ, ເງິນ ແລະ ອື່ນໆ ຂຶ້ນມາ ເພື່ອປຸງແຕ່ງ ແລະ
ນໍາໃຊ້ໃນວຽກງານອຸດສາຫະກຳ ແລະ ອື່ນໆໃຫ້ເກີດປະໂຫຍດສູງສຸດ. ປັດຈຸບັນ, ການຂຸດຄົ້ນບໍ່ແຮ່ມີການຂະຫຍາຍຕົວຢ່າງວ່ອງໄວ, ດັ່ງນັ້ນ ຈຶ່ງມີຄວາມຮຽກຮ້ອງຕ້ອງການ
ໃນການສ້າງບຸກຄະລາກອນ ເພື່ອຄຸ້ມຄອງ ແລະ ບໍລິຫານ
ການຂຸດຄົ້ນບໍ່ແຮ່ໃຫ້ຖືກວິທີເພື່ອຮັກສາສະພາບແວດລ້ອມ.
ວິຊານີ້ຮຽນກ່ຽວກັບຫຍັງ
ຮຽນກ່ຽວກັບວິສະວະກຳບໍ່ແຮ່ ແລະ
ຂັ້ນຕອນໃນການຂຸດຄົ້ນບໍ່ແຮ່ ເຊັ່ນ: ການວາງແຜນ, ສຳຫຼວດ, ເປີດບໍ່ແຮ່, ຂຸດຄົ້ນບໍ່ແຮ່, ປຸງແຕ່ງ ແລະ ສົ່ງອອກແຮ່; ເຊິ່ງໃນການເປີດບໍ່ແຮ່ນີ້ ລວມເຖິງການ ວາງແຜນຊີເຈາະຮູລະເບີດ, ປະເມີນປະລິມານການສະສົມຂອງແຮ່, ຈັດການ ແລະ ບໍາບັດນໍ້າເສຍ, ການປິດບໍ່ແຮ່
ໂດຍຟື້ນຟູພື້ນທີ່ຂຸດຄົ້ນໃຫ້ກັບສູ່ສະພາບເດີມເທົ່າທີ່ເປັນໄປໄດ້; ນອກນີ້ ຍັງຮຽນກ່ຽວກັບທໍລະນີສາດ, ທໍລະນີເຕັກນິກ ແລະ ສິ່ງແວດລ້ອມ ເພື່ອຄໍານຶງເຖິງ ກ່ອນ
ແລະ ຫຼັງການຂູດຄົ້ນ.
ວິທີການສິດສອນ
ວິທີການສິດສອນ ແມ່ນ ປະກອບດ້ວຍການຮຽນທິດສະດີ
ຄຽງຄູ່ກັບການປະຕິບັດຕົວຈິງ ເປັນຕົ້ນແມ່ນ ການປະຕິບັດໃນຫ້ອງທົດລອງ ເຊັ່ນ:
ການທົດລອງດິນ, ຫ້ອງທົດລອງຫີນ, ການໃຊ້ກ້ອງຈຸລະທັດເພື່ອສ່ອງແຮ່, ການທົດລອງຊົນລະສາດ, ການທົດລອງຄຸນນະພາບຂອງນ້ຳ, ການເກັບຕົວຢ່າງດິນ ໂດຍນັກສຶກສາຈະໄດ້ນໍາມາແປຄວາມໝາຍ, ຄິດໄລ່ ແລະ ລາຍງານຜົນການທົດລອງ; ນອກນີ້ ຍັງຈະໄດ້ຝຶກງານຕາມສະໜາມຂຸດຄົ້ນບໍ່ແຮ່ ແລະ
ສໍາຫຼວດແຮ່.
ທັກສະ/ຄວາມສົນໃຈ
ຄວາມຮູ້ພື້ນຖານດ້ານ ຄະນິດສາດ, ຟິຊິກສາດ, ເຄມີສາດ
ແລະ ພາສາອັງກິດ; ເປັນຄົນ
ມີຄວາມອົດທົນ, ມີສຸຂະພາບແຂງແຮງ
ເພາະຈະໄດ້ລົງສະໜາມເພື່ອການສຳຫຼວດເປັນປະຈໍາ; ມັກການຄົ້ນຄວ້າ, ສຳຫຼວດ, ວິເຄາະ-ວິໄຈ
ແລະ ມັກຊອກຫາຄວາມຮູ້ໃໝ່ໆ; ມີຄວາມສົນໃຈ
ກ່ຽວກັບທໍລະນີ, ແຮ່ທາດ ແລະ
ການຂຸດຄົ້ນ.
ຈົບແລ້ວສາມາດ
ຮູ້ວິທີການໃນການສຳຫຼວດແຮ່ທາດຕ່າງໆ; ສາມາດວາງແຜນການຂຸດຄົ້ນບໍ່ແຮ່ ແລະ ວາງແຜນຜັງຊີເຈາະຮູລະເບີດ; ຮູ້ວິທີການໃນການຂຸດຕັກ ແລະ ຂົນສົ່ງແຮ່ທາດ, ປຸງແຕ່ງແຮ່ທາດ; ສາມາດຈັດລະບົບການຂົນສົ່ງແຮ່ທາດ; ສາມາດນຳໃຊ້ຄອມພິວເຕີເຂົ້າໃນວຽກງານວິສະວະກຳບໍ່ແຮ່; ສາມາດປະເມີນລາຄາຂອງແຮ່ທາດຕ່າງໆ ແລະ
ປົກປັກຮັກສາສິ່ງແວດລ້ອມບໍ່ແຮ່.
ອາຊີບ
ເປັນນັກວິສະວະກອນບໍ່ແຮ່, ນັກວິຊາການຕາມບໍລິສັດ ແລະ ໂຄງການຂຸດຄົ້ນແຮ່ທາດ ແລະ
ວັດສະດຸ;
ເປັນນັກ ວິຊາການໃນໂຮງງານຊີມັງ ແລະ
ໂຮງງານອື່ນໆ ທີ່ກ່ຽວຂ້ອງກັບການສໍາຫຼວດ-ຂຸດຄົ້ນບໍ່ແຮ່ ຕະຫຼອດຮອດ
ກະຊວງພະລັງງານ ແລະ ບໍ່ແຮ່, ກະຊວງຊັບພະຍາກອນທໍາມະຊາດ
ແລະ ສິ່ງແວດລ້ອມ; ແລະ
ຍັງສາມາດເປີດບໍລິສັດສຳຫຼວດຂຸດຄົ້ນບໍ່ແຮ່ໄດ້.
ທີ່ຕັ້ງ ແລະ ຕິດຕໍ່
ຄະນະ ວິສະວະກໍາສາດ
ວິທະຍາເຂດໂສກປ່າຫຼວງ ມະຫາວິທະຍາໄລແຫ່ງຊາດ
ບ້ານ ໂສກປ່າຫຼວງ, ເມືອງ ສີສັດຕະນາກ, ນະຄອນຫຼວງວຽງຈັນ
ຕູ້ ປ.ນ 3166 ໂທ: 021
951294 ແຟັກ:
021 314382.
ເວັບໄຊ໌
www.fe-nuol.edu.la
ແຫຼ່ງຂໍ້ມູນ: https://collegemajor.la/
ບໍລິການແລ່ນເອກະສານຕ່າງໆ ໃນ ສປປ.ລາວ 
