ສາຂາ ບໍລິຫານທຸລະກິດ ຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດລາວ
ບໍລິຫານທຸລະກິດ
ຫຼັກສູດ: ປະລິນຍາຕີ 4 ປີ
ຄະນະເສດຖະສາດ ແລະ ບໍລິຫານທຸລະກິດ
ມະຫາວິທະຍາໄລແຫ່ງຊາດລາວ
ນິຍາມ
ແລະ ຄວາມສຳຄັນ
ການບໍລິຫານທຸລະກິດໝາຍເຖິງການປະຕິບັດ ຫຼື
ຄຸ້ມຄອງວຽກງານທາງດ້ານການດຳເນີນງານທຸລະກິດ, ລວມໄປເຖິງການຕັດສິນໃຈໃນການປະຕິບັດແຜນການສ້າງທຸລະກິດທັງພາຍໃນ
ແລະ ຕ່າງປະເທດ. ອິກທັງເວົ້າເຖິງການຈັດຕັ້ງປະຕິບັດກ່ຽວກັບບຸກຄະລາກອນ ແລະ
ຊັບພະຍາກອນທີ່ມີຢູ່ ເພື່ອນຳມາໝຸນໃຊ້ໃຫ້ເກີດປະໂຫຍດສູງສຸດ.
ວິຊານີ້ເປັນວິຊາທີ່ສຳຄັນຢ່າງໜຶ່ງ ຍ້ອນວ່າ
ມັນໄດ້ຊ່ວຍເຮັດໃຫ້ການບໍລິຫານທຸລະກິດຂອງລາວເປັນໄປຢ່າງໝັ້ນຄົງ ແລະ
ມີປະສິດທິພາບ.
ວິຊານີ້ຮຽນກ່ຽວກັບຫຍັງ
ວິຊານີ້ຮຽນກ່ຽວກັບຫຼັກການການບໍລິຫານທຸລະກິດຂອງຜູ້ປະກອບການທັງພາຍໃນ
ແລະ ຕ່າງປະເທດ, ທັງພາກລັດ ແລະ
ເອກະຊົນ. ເປັນວິຊາທີ່ສ້າງນັກວິຊາການບໍລິຫານ ແລະ
ນັກທຸລະກິດເພື່ອປະກອບເປັນພະນັກງານຕ່າງອົງການຈັດຕັ້ງຕ່າງໆ.
ວິຊານີ້ຍັງຈະໄດ້ຮຽນກ່ຽວກັບການບໍລິຫານທຸລະກິດໂດຍສະເພາະແມ່ນ
ແນ່ໃສ່ການລົງທຶນມະຫາພາກ ແລະ ຈຸລະພາກ
ເພື່ອເຮັດໃຫ້ເສດຖະກິດຂອງປະເທດເຂັ້ມແຂງ ແລະ ຂະຫຍາຍຕົວຢ່າງວ່ອງໄວ.
ວິທີການສິດສອນ
ວິທີການສິດສອນະແມ່ນປະກອບມີພາກທິດສະດີ ແລະ
ພາກປະຕິບັດຕົວຈິງໄປພ້ອມໆກັນ ເຊັ່ນ:
ການລົງຝຶກງານຕົວຈິງນຳບັນດາອົງກອນ ແລະ ໜ່ວຍງານທີ່ກ່ຽວຂ້ອງທັງພາກລັດ
ແລະ ບັນດາບໍລິສັດຕ່າງໆ. ນອກນັ້ນ,
ຍັງມີການເຮັດບົດນໍາສະເໜີ, ບົດເຝິກຫັດ ແລະ
ບົດລາຍງານທີ່ຕິດພັນກັບການປະຕິບັດຕົວຈິງ.
ມີການລົງທັດສະນະສຶກສາຕາມແຕ່ລະແຂວງ ຫຼື ທ້ອງຖິ່ນຕ່າງໆພາຍໃນປະເທດ
ເຊິ່ງຈະຊ່ວຍໃຫ້ນັກສຶກສາມີຄວາມເຂົ້າໃຈເຖິງບັນຫາໄດ້ຢ່າງຊັດເຈນ.
ທັກສະ/ຄວາມສົນໃຈ
ນັກສຶກສາຄວນມີຄວາມຮູ້ພື້ນຖານທາງດ້ານຄະນິດສາດ ແລະ ສະຖິຕິ ແລະ
ຄວາມຮູ້ເບື້ອງຕົ້ນກ່ຽວກັບການບໍລິຫານ ແລະ ເສດຖະສາດ
ເພື່ອຈະກ້າວໄປເປັນຜູ້ບໍລິຫານທຸລະກິດທີ່ດີ. ນອກຈາກນີ້, ຄວນມີທັດສະນະໃນຄວາມເປັນຜູ້ນຳ ແລະ
ການເປັນຜູ້ບໍລິຫານ ໄປຈົນເຖິງ ການເປັນຜູ້ດຳເນີນກິດຈະການເປັນຂອງຕົນເອງ.
ຈົບແລ້ວສາມາດ
ນັກສຶກສາທີ່ຈົບຈາກສາຂາວິຊານີ້ະຈະມີຄວາມຮູ້ – ຄວາມເຂົ້າໃຈກ່ຽວກັບການບໍລິຫານທຸລະກິດ ແລະ
ການບໍລິຫານບຸກຄະລາກອນໄປໃນຕົວ,
ເຊິ່ງຄວາມຮູ້ດັ່ງກ່າວແມ່ນມີຄວາມສຳຄັນຫຼາຍບໍ່ວ່າຈະເປັນການປະກອບສ່ວນເຂົ້າໃນໜ້າທີ່ວຽກງານທັງພາກລັດ
ແລະ ເອກະຊົນ ລວມໄປເຖິງການປະກອບທຸລະກິດສ່ວນຕົວ.
ອາຊີບ
ນັກສຶກສາສາມາດປະກອບອາຊີບເປັນນັກບໍລິຫານບຸກຄະລາກອນ, ນັກບໍລິຫານທຸລະກິດ, ເຊິ່ງ ສາມາດປະກອບອາຊີບໃນບັນດາກະຊວງຕ່າງໆ
ເນື່ຶອງຈາກການບໍລິຫານແມ່ນຈຳເປັນໃນທຸກຂະແໜງການ. ນອກນັ້ນ, ຍັງສາມາດເປັນຜູ້ບໍລິຫານທາງດ້ານແນວຄິດ, ພະນັກງານວິຊາການໃຫ້ແກ່ບໍລິສັດ, ທະນາຄານ ຫຼື ອົງການຈັດຕັ້ງສາກົນຕ່າງໆອີກດ້ວຍ.
ທີ່ຕັ້ງ ແລະ ຕິດຕໍ່
ຄະນະເສດຖະສາດ ແລະ ບໍລິຫານທຸລະກິດ
ວິທະຍາເຂດດົງໂດກ ມະຫາວິທະຍາໄລແຫ່ງຊາດລາວ
ບ້ານ ດົງໂດກ, ເມືອງ ໄຊທານີ, ນະຄອນຫຼວງວຽງຈັນ.
ໂທ: 021 77006
ເວັບໄຊ໌ www.febm-nuol.org
ບໍລິການແລ່ນເອກະສານຕ່າງໆ ໃນ ສປປ.ລາວ 
